Cungu i kënaqur edhe pas humbjes, Partizani vijon përgatitjet për Antalyaspor

 Cungu i kënaqur edhe pas humbjes, Partizani vijon përgatitjet për Antalyaspor

Armando Cungu, trajner i Kukesit

Kukësi i nisi me humbje miqësoret e fazës përgatitore pasi u mposht 2-1 nga Baseksehir-i, por gjithsesi ky 90 minutësh është vlerësuar pozitivisht pasi verilindorët përballë kishin skuadrën e cila aktualisht udhëheq kampionatin turk.

Basaksehir shënoi nga një gol për secilën pjesë para se Çyrbja në minutat e fundit të shkurtonte diferencat dhe të vuloste shifrat përfundimtare në të njëjtën kohë. Pas ndeshjesh trajneri Cungu u shpreh: “Jam i kënaqur me lojën që zhvilluan djemtë, duke pasur parasysh që është një skuadër e vendit të parë në Superligën turke, me diferencë dhe me yje mbarë botërore. Në këto kushte nuk ishte e lehtë. Si prezencë e parë jam i kënaqur, sepse kemi ende gjëra për të përmirësuar.”

Nderkohë autori i golit Çyrbja deklaroi:

“Është kënaqësi t’i shënosh portierit të Kombëtares turke, si edhe ekipit që luajtëm. Ata kanë një skuadër shumë të fortë dhe kanë lojtarë, të cilët i kemi parë vetëm në televizor. Ishte një ndeshje shumë e fort dhe me gjithë humbjen 2-1 mund të themi që rezultati ishte i mirë.”

Përgatitjet në Antalya ndërkohë vijon edhe Partizani. Sot të kuqtë pavarësisht ndeshjes miqësore të përfunduar në barazim 1-1 kundër Sivasporit janë stërvitur me të njëjtin ritëm si ditët e tjera. Paradite ekipi është stërvitur në palestër, ndërsa pazdite ka vijuar puna në fushën e blertë. Nesër Partizani do të zhvillojë testin e dytë miqësor teksa përballë do të ketë Antalyasporin.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të dënuarit në Vlorë peticion deputetëve të Kuvendit: Miratoni amnistinë penale

Të dënuarit në Vlorë peticion deputetëve të Kuvendit: Miratoni amnistinë penale