Dalipi me të rinjtë e FRESSH, dhurata për fëmijët jetimë në kryeqytet

Kryetari i Këshillit bashkiak të Tiranës, Aldrin Dalipi, në kuadër të festave të fundvitit ka vizituar një qendër kujdesi për fëmijët e braktisur në kryeqytet. Dalipi bëri thirrje për më shumë mbështetje për këta fëmijë në nevojë. “Vetë Bashkia e Tiranës në këto ditë ka bërë thirrje për solidaritet dhe ne i jemi bashkuar nismës së Bashkisë. Kaluam disa momente të bukura me fëmijët, festat pikërisht këtë kanë dashurinë njerëzore që ne duhet ta japim në çdo ditë të vitit dhe jo vetëm në këto ditë”, u shpreh ai. Dalipi, së bashku më të rinjtë e FRESH, shpërndanë dhurata për këta fëmijë.