Damian Gjiknuri me banorët e lagjes 'Kushtrimi': Do ta çojmë para procesin e legalizimit të banesave

Ditën e sotme drejtuesi politik i Partisë Socialiste për Qarkun e Vlorës Damian Gjiknuri e nisi me një kafe me banorë në Lagjen Kushtrimi të qytetit.

Në bashkëbisedimin me ta, Gjiknuri kujtoi punën e bërë për trasformimin e zonës, e cila ka njohur disa investime të rëndësishme gjatë dy mandateve të para të qeverisjes.

“Ju e keni parë ndryshimin, qoftë rruga e re apo sistemi elektrik që unë u interesova vet atëherë dhe u përmirësua. Problemet e legalizimeve pak nga pak po përfundojnë. U angazhova për të ndryshuar edhe zonën ekonomike, kufirin e zonës ekonomike që i linte  të pa legalizuara një pjesë të shtëpive të qytetarëve dhe besoj jeni dëshmitar vet që investimi im personal dhe mbështetja e Kryeministrit nuk ka munguar për ti dhënë zgjidhje këtij problem. Natyrshëm, këtu ka nevojë për më shumë investime dhe mandat i tretë për këto duhet. Themi që këto punë të mira të nisura për Vlorën duam ti përfundojmë. Këto vite u fokusuam në qendër të qytetit, Vlora u trasformua, e vërteta është se u bë një qytet vërtet i mirë, i bukur. Krahasuar me para dhjetë vitesh Vlora është trasformuar plotësisht”, theksoi Gjiknuri.

 Gjiknuri kërkoi votëbesim për të gjithë ekipin e Partisë Socialiste, një ekip përfaqësues qytetarësh të denjë e me kontribute në jetën sociale të qytetit.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite