Mali i Zi përkrah çdo opsion që do të çonte në normalizimin e marrëdhënieve ndërmjet Kosovës dhe Serbisë, por ideja e korrigjimit të territoreve, “nuk është ideja më e mirë”, tha sot në Prishtinë, ministri i Jashtëm malazez Sërgjan Darmanoviq.
“Ne e shohim një dialog intensiv, i cili kohë pas kohe është ndërprerë me mospajtime politike. Shohim se ka koncepte të ndryshme rreth zgjidhjes. Njëri nga konceptet është për korrigjimin e territoreve. Ne nuk përzihemi në çështje të brendshme ndërmjet dy vendeve. Kemi disa mospajtime rreth mundësive për korrigjim të territoreve. Kjo nuk është ideja më e mirë, por nëse kjo është e mirë për fqinjët tanë dhe ata merren vesh, atëherë do të jetë e mirë edhe për ne. Kështu që e kemi qëllimin më të mirë, që në Ballkan të mbyllen çështjet e hapura. Shpresojmë që Serbia dhe Kosova të gjejnë zgjidhje për marrëdhëniet e tyre”, tha Darmanoviq, në një konferencë të përbashkët me homologun e tij nga Kosova, Behgjet Pacolli.
Ministri Darmanoviq po ashtu tha se zgjidhja e çështjes Kosovë-Serbi, do të nënkuptonte që të dyja vendet ta njohin njëra-tjetrën. Presidenti i Kosovës, Hashim Thaçi ka thënë se do të kërkojë ndryshimin e kufirit me Serbinë, apo siç e quan ai “korrigjimin” e tij, që sipas presidentit, do të nënkuptonte bashkëngjitjen e Preshevës, Medvegjës dhe Bujanocit me territorin e Kosovës. Dy ministrat e Jashtëm u pyetën edhe për Marrëveshjen e demarkacionit ndërmjet Kosovës dhe Malit të Zi, marrëveshje të cilën Kuvendi i Kosovës e ka ratifikuar më 21 mars të vitit 2018.
Si për ministrin Pacolli dhe për homologun e tij Darmanoviq, kjo çështje “është e mbyllur” dhe se tani është në dorën e komisioneve ndërshtetërore që të bëjnë delimitimin e kufirit. Kryediplomati malazez u takua edhe me kryeministrin e Kosovës, Ramush Haradinaj. Siç thuhet në një komunikatë për media, Haradinaj dhe Darmanoviq biseduan për bashkëpunimin rajon si dhe për rëndësinë e anëtarësimit të Kosovës në organizatat ndërkombëtare.
Lajme të tjera
-
Escobar: Do njohim zgjedhjet në veri të Kosovës edhe pa Listën Serbe! Vuçiç i shqetësuar për kushtet në të cilat jetojnë serbët
20 Prill 2023, 18:33 -
Pse ka rëndësi nënshkrimi i zbatimit të propozimit evropian?
18 Mars 2023, 09:23 -
Do të sjellë takimi i Ohrit kthesën?
18 Mars 2023, 07:50 -
12 orë negociata historike në Ohër, Kosova dhe Serbia arrijnë një marrëveshje për planin evropian por palët nuk nënshkruajnë! Borrell: Caktohet rruga drejt pajtimit
18 Mars 2023, 07:19 -
Takimi në Ohër me Vuçiç dhe Kurtin, mesazhi i Borrell: Është koha që të arrijmë marrëveshje
16 Mars 2023, 10:27 -
Kosova e Serbia pro planit franko-gjerman, ish-ministri Bushati për Report Tv: Marrëveshja në favor të të dyja palëve! Përfundimi i konfliktit i shërben sigurisë rajonale
2 Mars 2023, 21:41 -
Serbia dhe Kosova pranuan planin evropian, Rama: Moment historik! Rruga e duhur drejt së ardhmes, Albin Kurti doli nga ‘kurthi i së djeshmes’
28 Shkurt 2023, 10:13 -
A do të marrë fund ndonjëherë lufta e Kosovës?
4 Janar 2023, 19:46
-
Prishtina i vendos kushte Kreut të Kishës Ortodokse serbe, patriarkut Porfirije, për vizitën në Kosovë
26 Dhjetor 2022, 12:46 -
Mbështetja buxhetore për shkollat shqipe në diasporë, studiuesja Bejko: Marrëveshja ende në letër! Abetarja e përbashkët me Kosovën, arritje
18 Dhjetor 2022, 18:48
-
DW: Ministrave të Jashtëm të BE-së po u soset durimi me Kosovën dhe Serbinë
13 Dhjetor 2022, 07:10 -
Vuçiç kërcënoi se do të fusë ushtrinë në Kosovë, por kush vendos për kthimin e forcave serbe?
10 Dhjetor 2022, 21:32
