Kreut të Kishës Ortodokse serbe, patriarkut Porfirije i është kërkuar që të dënojë apo distancohet nga “veprimet e pjesëtarëve të Kishës që po i ofrojnë përkrahje grupeve kriminale në veri të Kosovës” të cilët janë “përgjegjës për barrikadat” e ngritura në atë pjesë.
Kështu thanë nga Ministria e Punëve të Jashtme dhe Diasporës të Kosovës, që treguan se Porfirije ka bërë kërkesë më 23 dhjetor që të qëndrojë në Kosovë për tri ditë (26-28 dhjetor).
“Pra, kërkesa për vizitë e Patriarkut Porfirije nuk është refuzuar siç po propagandohet nga Kisha Ortodokse Serbe [KOS] dhe mediat serbe, por është ndërlidhur me deklaratën paraprake të distancimit nga veprimet dhe aktet e lartpërmendura”, thuhet në njoftim.
Sipas MPJD-së deri te ky vendim institucionet kanë ardhur pasi, siç thanë, prifti ortodoks Predrag Popoviç, nga Kisha e Shën Bartolomeut dhe Barnabas, afër Beogradit, së fundi kishte pranuar se “ditën e martë të javës së kaluar kishte kaluar kufirin me Republikën e Kosovës ilegalisht, dhe duke përdorur rrugët anësore – sipas tij – për t’iu shmangur patrullave të KFOR-it i kishte vizituar protestuesit në barrikadat ne Leposaviq”.
Kisha Ortodokse Serbe tha më 25 dhjetor se Porfirije u "trondit" kur mori lajmin se autoritetet në Kosovës i kishin "ndaluar" vizitën e planifikuar në Kosovë. Sipas njoftimit, Zyra Ndërlidhëse e Kosovës në Serbi, fillimisht kishte kontaktuar përfaqësuesit e misioneve diplomatike të vendeve të QUINT-it, për t’ua sqaruar se “deklarata e KOS-it është e pavërtetë, pasi kërkesa si e tillë nuk është refuzuar, por është ndërlidhur me deklarimin nga KOS-i që distancohet dhe nuk qëndron prapa veprimeve të përfaqësuesve të saj”.
Patriarku Porfirije kishte planifikuar të vizitonte Patrikanën e Pejës dhe disa objekte të tjera ortodokse në Kosovë. Ndryshe, që nga 10 dhjetori në rrugët kryesore që çojnë drejt Jarinjës dhe Bërnjakut – pikëkalimet kufitare që lidhin Kosovën dhe Serbinë – janë bllokuar nga barrikadat e vendosura nga disa serbë lokalë.
Barrikadat u vendosën në shenjë pakënaqësie me arrestimin e një ish-polici serb të Kosovës. Autoritetet në Prishtinë argumentojnë se ish-polici Dejan Pantiç, dyshohet se ka organizuar “sulmin terrorist” të 6 dhjetorit ndaj zyrtarëve të Komisionit Qendror të Zgjedhjeve në veri. Që nga fillimi i dhjetorit, në veriun e Kosovës të banuar me shumicë serbe, janë regjistruar disa incidente me armë zjarri, granata dore dhe shok bomba./ REL
Lajme të tjera
-
Patriarku serb thotë se Kisha s’mund të jetë pjesë e negociatave për Kosovën
26 Mars, 16:52 -
Analiza/ Përse vazhdojnë tensionet Kosovë-Serbi?
31 Maj 2023, 10:43 -
Kontesti ndërmjet Kishës Ortodokse Serbe dhe asaj maqedonase përfundoi zyrtarisht
21 Maj 2023, 07:43 -
Escobar: Do njohim zgjedhjet në veri të Kosovës edhe pa Listën Serbe! Vuçiç i shqetësuar për kushtet në të cilat jetojnë serbët
20 Prill 2023, 18:33 -
Pse ka rëndësi nënshkrimi i zbatimit të propozimit evropian?
18 Mars 2023, 09:23 -
Do të sjellë takimi i Ohrit kthesën?
18 Mars 2023, 07:50 -
12 orë negociata historike në Ohër, Kosova dhe Serbia arrijnë një marrëveshje për planin evropian por palët nuk nënshkruajnë! Borrell: Caktohet rruga drejt pajtimit
18 Mars 2023, 07:19 -
Takimi në Ohër me Vuçiç dhe Kurtin, mesazhi i Borrell: Është koha që të arrijmë marrëveshje
16 Mars 2023, 10:27 -
Kosova e Serbia pro planit franko-gjerman, ish-ministri Bushati për Report Tv: Marrëveshja në favor të të dyja palëve! Përfundimi i konfliktit i shërben sigurisë rajonale
2 Mars 2023, 21:41 -
Serbia dhe Kosova pranuan planin evropian, Rama: Moment historik! Rruga e duhur drejt së ardhmes, Albin Kurti doli nga ‘kurthi i së djeshmes’
28 Shkurt 2023, 10:13 -
Kosova ia lejon vizitën Patriarkut Porfirije më 7 janar, do shkojë i pashoqëruar nga truprojat e tij
5 Janar 2023, 14:29 -
A do të marrë fund ndonjëherë lufta e Kosovës?
4 Janar 2023, 19:46
