POP 5

Lajmet më të lexuara të 5 minutave të fundit

Politikë

Mbështetja buxhetore për shkollat shqipe në diasporë, studiuesja Bejko: Marrëveshja ende në letër! Abetarja e përbashkët me Kosovën, arritje

Kosova dhe Shqipëria ende s’kanë një buxhet të përbashkët për shkollat e mësimit shqip jashtë vendit. Adriana Bejko, e cila mban titullin “Ambasadore e Kombit” për “Report Tv” tha se marrëveshja është nënshkruar 8 vite më parë, por ende s’ka gjetur zbatim.

Marrëveshja për mbështetje buxhetore për shkollat Shqipe në diasporë e nënshkruar nga qeveria shqiptare dhe ajo e Kosovës në 2014, ka mbetur vetëm në letër. Në një intervistë për “Report TV”, Adriana Bejko, e cila mban titullin “Ambasadore e Kombit”, tha se mësuesit e gjuhës shqipe në Diasporë janë modeli më i mirë i mbrojtjes së identitetit kombëtar, por edhe pse kanë kaluar 8 vite, nuk është mundur të krijohet ende një buxhet i përbashkët.

“Ajo që mungon është fakti se në tetë mbledhjet e përbashkëta të dy qeverive, është një nen që premton se do krijohet një buxhet i përbashkët i dy qeverive për të mbështetur financiarisht shkollat shqipe në diasporë. Ky diskutim ka nisur në vitin 2014 dhe sot jemi në vitin 2022 dhe akoma s’ka bërë asnjë hap për zbatimin e vendimit. Mësuesit e diasporës janë modeli më i bukur ndaj përkushtimit për mësimin e gjuhës shqipe pasi punojnë në mënyrë vullnetare. Isha në Belgjikë dhe atje u njoha me një mësuese që kishte 11 vite që punonte mësuese e gjuhës shqipe me fëmijët e brezitë të dytë apo të tretë. S’besoj se ka shumë mësues në Shqipëri që duan të punojnë 11 vite në mënyrë vullnetare”, tha Bejko.

Megjithatë, Bejko e cilëson arritje të madhe kurrikulën dhe abetaren e përbashkët.

“Aspekti administrativ është vënë në terezi. Me Ministrinë e Arsimit të Kosovës kemi arritur të ndërtojmë kurrikulën e përbashkët, por dhe abetaren e përbashkët. Merita i takon më së shumti qendrës së botimeve për diasporën, që edhe gjatë pandemisë ka qenë një mbështetje e jashtëzakonshme për mësimin e gjuhës shqipe dhe ruajtjen e identitetit”, vijon Bejko.

Abetarja e përbashkët Shqipëri-Kosovë hyri në fuqi këtë vit shkollor dhe ekspertët e kanë cilësuar si një ndër botimet më të mira për nxnësit e klasave të para.

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51