POP 5

Lajmet më të lexuara të 5 minutave të fundit

Kronikë

Debat i ashpër në seancën për grupin 'Shullazi', avokati heq dorë nga mbrojtja, të afërmit e gjyqtares e quajtën: Kriminel

Avokati i Endrit Zeles kerkon përjashtimin nga trupa të gjyqtares Albana Vokto, pasi aktualisht ai është avokat edhe në një proces tjetër gjyqësor në Shkodër ku po mbron një palë të padotur nga të afërm të gjyqtares, xhaxhai dhe babai i saj.Seanca e grupit të Shullazit zhvillohet nën debate të ashpra.

Debate të ashpra në seancën e Emiljano Shullazit dhe 4 të pandehurve të tjerë, ku pritej nisja e procesit gjyqësor në Apelin e Krimeve të Rënda.

Që në nisje të procesit, avokati i Endrit Zelës, Bledar Shanja kërkoi dorëheqjen e kryesueses së trupës, Albana Boksi, duke pretenduar se avokati është në një tjetër proces administrativ në gjykatën e Shkodrës me xhaxhain dhe babain e gjyqtares Boksi.

Avokati sqaroi se ai po mbron palën e paditur nga të afërmit e gjyqtares, madje këta të fundit e kanë fyer gjatë procesit duke e quajtur kriminel.

Kjo kërkesë u refuzua nga trupa gjykuese, çka solli që avokati te braktisë sallën e gjyqit, me pretendimin se nuk mund të vijojë procesin me një trupë gjykuese që ka konflikt interesi.

Avokati theksoi se gjyqtarja Boksi nuk mund të japë një vendim të drejtë, për shkak se mund të ketë ndikim nga ana familjare.

Të njëjtin qëndrim mbajti edhe i pandehuri Endrit Zela.

Ndërsa i pandehuri Gilmando Dani kërkoi për të disatën herë përjashtimin e gjyqtarit Arben Vrioni, me pretendimin se vëllai i gjyqtarit e ka kallëzuar penalisht Gilmando Danin e të vëllain e tij, lidhur me një aksident të ndodhur më parë.

Në përfundim gjykata vendosi t'i caktojë Zelës një avokat kryesisht, ndërsa seanca e radhës do të mbahet më datë 28 Tetor ora 11. Emiliano Shullazi dhe të pandehurit e tjerë u dënuan në shkallë të parë me 55 vite burg për një sërë veprash penale në kuadër të grupit të sktrukturuar kriminal.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vlonjati: 19/10/2019 19:31

    Shtet i mbaruare nuk denone dot nje kriminele

    Përgjigju
  • Eva: 18/10/2019 12:55

    Akoma vazhdon Arben Vrioni gjyqtar? Kryetari i KCK eshte Arbeni. Lum drejtesia qe e ka. Sic duket kpk fle gjume. Eshte me fat Arbeni.

    Përgjigju
    • Prefektura elbasa: 19/10/2019 16:08

      Eva Bica , arben vrioni eshte gjyqetar i nderuar,pse ste dha ty dicka te paligjshme nuk eshte i keq.

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu