Komisioni i Edukimit u shoqërua me debate të forta mes maxhorancës dhe opozitës, teksa në seancë dëgjimore ishte e ftuar ministrja e Arsimit, Evis Kushi për të folur mbi masat e marra për vitin akademik 2021-2022. Debati kryesor u përqendrua mes deputetëve Ina Zhupa, Luçiano Boçi, ministres Kushi dhe nënkryetarit të Komisionit Petro Koçi, i cili u ndje i provokuar nga opozita, për të cilën tha se po transferon kriza nga jashtë.
Debati në Komisionin e Edukimit
EVIS KUSHI: Sa i takon vonesës që ju thatë për procesin e vaksinimit të studentëve. Procesi i vaksinimit të studentëve nuk ka filluar atëherë kur ne shpallëm javën e vaksinimit masiv, vaksinimin ka filluar që në verë. Java e vaksinimit masiv u konsiderua e tille sepse stafet u vendosën në ambientet e auditorëve për ta bërë më të lehtë procesin, të rinjtë kanë filluar qysh herët më vaksinimin. Në të gjithë mënyrën se si e shtruat pyetjen, zonja Zhupa mua mu duk sikur ishit kundër procesit të vaksinimit të studentëve dhe ju më thoni pse nuk ia keni kërkuar më herët Komitetit Teknik vaksinimin e studentëve, po ju a ia keni kërkuar si opozitë? Cili është qëndrimi juaj? Nuk ju dëgjova kurrë që të ndërgjegjësoni studentët për tu vaksinuar.
![](https://shqiptarja.com/template/img/NO_ALFA_Kuadrate shqiptarja.png)
Tani ju kur të merrni fjalën flisni. Unë nuk kam dëgjuar asnjëherë nga opozita që të kërkojë vaksinimin masiv të studentëve. Tani kalojmë tek pyetja e katërt, mësimi online në ligj. Renditjen e pyetjeve e shikoj unë. Përqindjen e vaksinimit ja u jap unë me tabelë, pse kur të doni ju? Ju gjatë pyetjeve thatë pse nuk na e keni sjellë më parë raportimin për përqindjen e vaksinimit. Ju kishit rektorët e universiteteve, a i ftuat dhe këtë mund t’ia kishit kërkuar dhe rektorëve.
LUÇIANO BOÇI: Zonja Kushi je para komisionit, ti nuk po respekton komisionin. Fjalët që përdor nuk janë të denja. Unë dhe anëtarët e komisionit jemi parlamentar. Vazhdo jepni përgjigje dhe në radhë siç ja u bëri pyetjet.
EVIS KUSHI: Ju gjithmonë dilni nga tema në seancat dëgjimore, ju nuk bëni pyetje ju gjysmë ore flisni për mendimet tuaja dhe pastaj nisni.
Unë po i përgjigjem pyetjeve, do t’i them siç duhet përgjigjet jo siç preferoni ju. E kuptoj shumë mirë që nuk jeni të informuar për çështje siç është akreditimi. E kuptoj që reagoni kështu sepse është e rëndë. Kushdo që të ishte kështu do të reagonte.
PETRO KOÇI: Ne nuk formulojmë pyetjet tuaja as ju nuk mund të formuloni përgjigjet tona. Edhe një herë zoti Boçi mos ndërhyni, mos e prishni rregullin e mbledhjes. Zonja Zhupa edhe një herë tani, këtu nuk është komision ku transferohen krizat nga jashtë, këtu ka një rend dite.
LUÇIANO BOÇI: Ç’punë ke me krizat ti?
PETRO KOÇI: A ka mundësi ta qepësh gojën apo jo? Mos fol pa rregull këtu, se ju po na provokoni shumë, ke tre orë që provokon, që kur erdhe duke provokuar . Edhe një herë nuk ka patur pyetje konkrete për përqindjet e vaksinimit, ka patur një kërkesë të përgjithshme lidhur me masat e marra për arsimin e lartë. Ju kur arrini më provokoni dhe mua imagjino në çfarë niveli e keni arritur provokimin.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)