Dega 5 e Partisë Demokratike Tiranë, ka dhënë mesazhin e saj për rezultatin e zgjedhjeve parlamentare të mbajtura më 25 prill. Sipas Degës 5 të PD në Tiranë zgjedhjet parlamentare ishin një zhgënjim për shqiptarët, pasi u shkel çdo parim demokracie.
“Ky lumë babëzie, vjedhjesh, blerjesh e dhune nën drejtimin e Edvin Rames, nuk vlejti për Degën tonë ku me punën, kontributin dhe vendosmërinë tonë tejkaluam çdo parashikim, çdo objektiv dhe arritëm të paimagjinueshmen , duke thyer bastionin e së majtës në zemër të Tiranës.”, shkruhet ndër të tjera përmes një postimi në rrjetin social Facebook.
Ndërkaq ka falënderuar çdo demokrat dhe në veçanti kryedemokratin, Lulzim Basha i cili sipas tyre me performancën, inteligjencën dhe programin i dha mundësinë atyre për të arritur këtë rezultat. Në fund ata shprehen se Lulzim Bashën, partinë Demokratike e presin beteja të tjera ku fitorja nën drejtimin e tij do të jetë e patjetërsueshme.
Por kjo deklaratë e bërë nga dega 5 ka sjellë shumë reagime kundër edhe nga rradhët e PD.
Lidhur me këtë deklaratë të Degës 5 të PD në Tiranë, ka reaguar ish-anëtari i Këshillit Kombëtar të Partisë Demokratike, Edvin Kulluri.
Përmes një postimi në rrjetin social Facebook, Kulluri i drejton pyetje drejtuesve të degëve se me kë janë konsultuar që dalin në mbrojtje të Bashës dhe vullnetin e kujt përfaqsojnë.
Ai shkruan se kjo parti nuk mund të merret peng nga ca njerëz të emëruar por duhet të drejtohet nga vullneti i lirë i demokratëve.
Pas humbjes së thellë të Partisë Demokratike në zgjedhjet parlamentare, shumë nga figurat politike brenda partisë kanë kërkuar dorëheqjen e Bashës, duke e konsideruar fajtor.
Ndër të parët të cilët kanë kërkuar shkarkimin e Bashës ka qenë anëtari i Kryesisë, Fatbardh Kadilli, më pas ish-presidenti Bujar Nishani, ish-anëtari i Këshillit Kombëtar të PD Edvin Kulluri dhe shumë të tjerë.
Partia Demokratike në zgjedhjet e 25 prillit ka arritur të sigurojë 59 mandate.
Andi Lila, Koordinator për Sportin për Partinë Demokratike, ka shprehur mbështetjen besnikërinë për kryetarin e PD-së, Lulzim Basha për të vijuar betejën kundër qeverisë Rama për të ardhur në pushtet.
Me anë të një postimi në rrjetet sociale, Lila thekson se demokratët u sollën si europianë, por u shpërblyen si mesjetën barbare.
“Me privilegjin që z.Basha dhe Partia Demokratike më dhanë si Koordinator Kombëtar i Sportit, kudo ku shkuam, këdo që takuam, vetëm shkëlqimin e shpresës, të optimizmit, ndryshimit e perspektivës me sytë tona vështruam gjithkund.
Por dita e ndryshimit të madh erdhi si një mallkim, shkaktuar nga manipulimi i pamatshëm, dhuna e bandave të ushqyera nga tregu zyrtar i hashashit, shtypja e presioni i administrates, makineria e oligarkëve furnizuar me paratë e siguruara prej taksave publike, policia e drejtësia në këmbë për të avokuar kriminelët. Ato i pushkatuan zgjedhjet e lira si askund në botë e askush në trojet shqiptare.
Ato grabitën shpresën, të ardhmen e fëmijëve tanë. U sollëm si europiane, por u shperblyem si në mesjetën barbare. Por, ne në tokë kurrë nuk ramë. Sfida e vërtetë sa ka nisur. Partia Demokratike, gjithë demokratët e bashkuar me z.Basha në krye, do ja dalim në përballjen me këta manipulatorë.
Ne do ju mbështetim, sepse uragani popull tashmë nuk do ndalet, së bashku do i prijmë. Ne jemi këtu,do të jemi këtu,në mbrojtje të demokracisë, sepse ne jemi shqiptarë dhe veç gjuhën amtare flasim” shkruan ai.
Ish-deputeti demokrat Arben Ristani ka ironizuar kreun e Partisë Demokratike Lulzim Basha, pas humbjes në zgjedhjet parlamentare të 25 prillit.
Ristani ka publikuar në rrjetet sociale një shprehje të fizikantit Albert Ajnshtajn ku thotë se çmenduri është të bësh gjithmonë te njëjtën gjë dhe te presësh rezultate te ndryshme.
“Sipas Albert Einstein: Çmenduri është të bësh gjithmonë te njëjtën gjë dhe te presësh rezultate te ndryshme”, shkruan Ristani në rrjetet sociale.
Si duket dhe Ristani është pozicionuar te grupi që kërkon largimin e Bashës nga drejtimi i PD.
Ish-kreu i PD në Kukës, Ibsen Elezi, i cili prej disa ditësh po proteston për largimin e Lulzim Bashës nga drejtimi i PD-së, ka reaguar pasi drejtuesit e PD në rrethe që kanë dalë në mbrojtje të Bashës. Këtë situatë ai e krahason me dhjetor '90 dhe janar '91 kur sipas tij partia i kërkonte rretheve dhe bazës, që të ngriheshin dhe mbronin figurën e ish-diktatorit Enver Hoxha.
“Luli në rrezik! Detyrohen të pronocohen degët, hanalistat, memexhinjtë, spiunat dhe servilat. Në fakt lidhur me argumentat dhe arsyetimin të gjithë duken të budallepsur, por nuk janë, e kanë nga zori. Të kujtojnë, Dhjetor 90 dhe Janar 91, kur partia i kërkonte rretheve dhe bazës, ngrihuni dhe mbroni figurën e shqyer të shokut Enver. Dhe s’ka si mos t’ju kujtohen “Gratë e Enverit”. Shihni se ju rifreskon kujtesën”, shkruan Elezi në rrjete sociale.
Në një kohë kur janë shtuar zërat që kërkojnë largimin e Lulzim Bashës, nga drejtimi i PD-së pas humbjes së zgjedhjeve të 25 prillit, Xhelal Mziu mbështet kreun e PD-së 100%.
Në një postim në mediat sociale, Xhelal Mziu, i cili doli deputet në këto zgjedhje në qarkun e Dibrës thotë se platforma Basha mbetet më e mira në këto 31 vite demokraci.
Mziu shkruan se misioni i platformës vazhdon dhe se çdo anëtar i PD të qarkut të Dibrës është 100% i gatshëm për të vazhduar betejën me liderin e saj Lulzim Basha deri në rrëzimin e së keqes dhe triumfin e së mirës.
'Misioni i platformës Basha vazhdon! Platforma Basha ishte dhe mbetet më e mira e këtyre 31 viteve demokraci. Cdo anëtar i PD të qarkut të Dibrës është 100% i gatshëm për të vazhduar betejën me liderin e saj Lulzim Basha deri në rrëzimin e së keqes dhe triumfin e së mirës. Përpara me Lulzim Bashën.'- shkruan Mziu.
Komente
Lajme të tjera
-
Kreshnik Spahiu: Kërkojnë qeveri teknike apo bashki teknike?
23 Dhjetor, 19:39
-
Protesta/ Gjekmarkaj humb ndjenjat dhe rrëzohet në tokë! Kryetari i PD: E goditën efektivët! Reagon policia: Berisha gënjen (VIDEO)
23 Dhjetor, 18:54 -
Skënder Minxhozi: Krizë trafiku dhe…TikToku, jo krizë politike
23 Dhjetor, 18:48
-
Ekskluzive/ Report Tv sjell pamjet me dron, një grusht militantësh te rruga e ‘Elbasanit’ bllokojnë makinat në trafik (VIDEO)
23 Dhjetor, 18:37 -
Shtator 1992/ Azem Hajdari: Kur shkoj te fëmija im në darkë dhe ai më pyet "Pse deshe të më lësh jetim?” Dhe unë dua t'i them...
23 Dhjetor, 17:23 -
Bardhi përplaset me Policinë: S’kemi ardhur për dhunë, devijoni trafikun! S’do e bëj tubimin në ballkon shtëpie! Policia: Lironi rrugën
23 Dhjetor, 17:17 -
Tiranë/ Akuzohet nga SPAK për deklarim të rremë, shtyhet përsëri seanca paraprake në GJKKO për Asllan Dogjanin! Solli raport mjekësor
23 Dhjetor, 10:13
-
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin
23 Dhjetor, 09:32
-
PD denoncon: Blendi Gonxhja, miliona euro tenderë të paracaktuar për miqtë e tij! Reagon ministri: Opozitë me 'menu fikse'! Kemi bërë revolucion në prokurimet publike
22 Dhjetor, 13:03 -
Mosbindja civile / Po Gjin Gjoni pse do të bllokojë nesër trafikun në Tiranë? Një vilë e fshehur që sfidon SPAK-un
22 Dhjetor, 11:57 -
Ylli Pata: Pse Berisha zgjodhi të bllokojë rrugët para Krishtlindjeve?
21 Dhjetor, 18:24
-
Protesta e opozitës të hënën/ Zbardhet ‘skenari’, rrugët do të bllokohen! Berisha i pranishëm për herë të parë pas lirimit nga 'arresti shtëpiak'
21 Dhjetor, 17:51
JU NE PD JENI TE GJITHE PER SKRAP NGA SALIU DHE DERI TEK I FUNDIT,,,JENI LLUM I KOMBIT,,,ASNJEHERE NUK DO VOTOJE POPULLI SHQIPTAR PER JU...
PërgjigjuPd eshte kthyer ne shpk. Rezultati me i mire i Lulit ne zgjedhje tani ne 2021 eshte rezultati me i dobet i Berishes ne 2013 pas 8 vjetesh ne pushtet. Sa te jene vendimmarres familjaret ne drejtimin e PD dhe per sa kohe PD do qendroje e mbyllur, nuk vjen dot ne pushtet. Nuk ka shfaqje me te keqe se ajo qe po bejne disa dege te PD-se ne rrethe. Na kujtojne kohen e diktatures. Shfaqje e shemtuar.
Përgjigju