Tirane- Gjykata e Posaçme Antikorrupsion nuk ndryshoi masën e sigurisë për ish deputetin e PS-së Jurgis Çyrbja dhe bashkëpunëtorin, Ahmet Masha, kunati i vëllait të tij, të cilët u arrestuan me urdhër të SPAK mbrëmjen e 20 tetorit 2024.
Gjyqtari Erjon Bani la në fuqi masën e sigurisë 'arrest me burg'
Paraditen e sotme rreth orës 09:00, Çyrbja dhe Masha mbërritën në gjykatë nën masa të rrepta sigurie dhe me pranga në duar. Seanca u shty për disa minuta pasi avokatët kërkuan kohë të njihen me materialet e SPAK.
Avokatëve nuk i është vënë në dispozicion dosja më përpara pasi sipas SPAK dosja ka ende materiale të sekretit hetimor pasi ka dhe persona të tjerë që po hetohen, kryesisht zyrtarë dhe ish zyrtarë që kanë dhënë informacione ish deputetit. Për këtë arsye gjykata ka vendosur ndalim të publikimit të dosjes pasi në komunikimet e Sky ECC janë dhe emra të personave të tjerë. Avokatët janë lejuar për 40 minuta të lexojnë materialin brenda në seancë për të përgatitur më pas mbrojtjen e tyre.
Mbyllin gojën në GJKKO
Më pas seanca ka vijuar normalisht. Avokatët kanë thënë se klienti i tyre nuk është përdorues i SkyECC. Vetë ish deputeti socialist dhe Masha nuk kanë pranuar të flasin por kanë heshtur para gjykatës. Gjyqtari pasi dëgjoi pretendimet e të dyja palëve vendosi të lërë në fuqi vendimin e dhënë pak ditë më parë.
Akuzat
Ish deputetit socialist akuzohet per tre vepra penale, “Korrupsioni aktiv në zgjedhje”, “Përkrahja e autorit të krimit”, si dhe “Tregimi i sekretit shtetëror nga shtetasit”.
Jurgis Çyrbja, u ‘fundos’ pas zbërthimit të bisedave në aplikacionin e koduar ‘Sky ECC’, ku u zbulua se informacionet sekrete shtetërore që Çyrbja, arrinte t'i siguronte përmes zyrtarëve, ende të paidentifikuar, duke shfrytëzuar pozitën e tij si deputet ua jepet grupeve kriminale, mes tyre Altin Hajrit.
Një nga rastet e evidentuara është dhe informimi i Altin Hajrit për lëvizjet e policisë pas vrasjes së Jan Prengës, ndërsa ky i fundit i siguroi vota në qarkun e Durrësit, ku Çyrbja ishte edhe në listën e sigurt për deputet në zgjedhjet parlamentare 2021.
Ndërkohë, urdhër arresti nuk është ekzekutuar ende për Altin Hajrin, pronar i kompleksit ‘Golden’, i cili prej 4 vitesh është edhe në kërkim si organizator i rrëmbimit dhe vrasjes së Jan Prengës më 17 janar 2020.
Avokatët e Ish deputetit socialist Jurgis Çyrbja dhe bashkëpunëtorit të tij Ahmet Masha u njohën me materialet e dosjes në seancë pasi dosja nuk u ishte vënë në dispozicion për shkak se sipas SPAK përbëjnë ende secret hetimor.
Sipas SPAK në dosje ka dhe persona të tjerë për tu hetuar, kryesisht zyrtarë dhe ish zyrtarë që kanë dhënë informacione ish deputetit dhe ky më pas ia ka kaluar grupeve kriminale.
GJKKO ka ndaluar dhe publikimin e dosjes pasi në komunikimet e Sky ECC janë dhe emra të personave të tjerë.
Foto: Seanca në GJKKO, 22 tetor 2024
Report Tv e shqiptarja.com siguron një foto nga brenda seancës në GJKKO ku sot po mbahet masa për vlerësimin e masës së sigurisë ndaj ish deputetit socialist Jurgis Çyrbja dhe bashkëpunëtorit të tij.
Ndërkohë Gjykata e Posaçme është tërhequr për vendim lidhur me masën e sigurisë ndaj Jurgis Çyrbjas. Avokati ka pretenduar se ish deputeti nuk ka qenë përdoues i Sky ECC, ndërsa vetë i akuzuari nuk la preferuar të flasë gjatë seancës.
Komente
Lajme të tjera
-
Durim Bami u arrestua sërish në Dubai? Ende s'ka konfirmim zyrtar
27 Tetor, 11:16 -
Trafik droge në Shqipëri e Itali, SPAK kërkon konfiskimin e pasurive të 15 shqiptarëve: Llogari bankare, 25 subjekte tregtare, 43 makina e 18 prona! U arrestuan në dosjen 'Muratori'
27 Tetor, 11:02 -
Nuredin Dumani 14 vjet më parë me tufa parash në duar! Gazetari publikon fotot : Vrasësi që e nisi 'karrierën' si 'çerri' i Talo Çelës
27 Tetor, 09:04 -
Pas 'Metës' do duhet një lum i tërë të pastrojë vendin?!
26 Tetor, 17:31
-
Gjurmët e padukshme në membranën e shoqërisë dhe SPAK
26 Tetor, 15:13
-
SPAK çon për gjykim Luis Çelën, pjesë e një grupi trafiku droge! Kultivonin kërp indian të ardhur nga Holanda e shisnin në Kalamata të Greqisë
26 Tetor, 14:26 -
SPAK caktoi masë sigurie ndaj saj, Monika Kryemadhi: Për goditjen time politike u përdor ligji i shfuqizuar 4 vite më parë
26 Tetor, 13:00 -
Audioregjistrimi i 21 janarit, SPAK dërgon në laborator kasetën! Do të bëhet ekspertimi për autenticitetin dhe identifikimi shkencërisht i zërave
26 Tetor, 10:47
-
Meta në burg, Haklaj për Report Tv: Po kërkonte azil politik! Pas tij janë gati 100 fletë-arreste! Radha për 10 zyrtarë të lartë
25 Tetor, 18:26 -
Frrok Çupi: Ilir Meta shet gazeta
25 Tetor, 15:26
-
Kërcënoi Dumanin në GJKKO!/ Meta në paraburgim, i biri tërheq CD e pamjeve të 5 orëve seancë në Gjykatë
25 Tetor, 14:40 -
Adrian Shatku pagoi edhe familjen Berisha, ish-kryeministri: Biznesmeni i mori marrëveshjet me urdhër të Ramës! Dumani mercenar, ngriti akuzë vetëm për Metën e Kryemadhin
25 Tetor, 13:50
Ky la mandatin se ishte semure????!!!!!! Duke prezumuar pafajesine, nese dalin te verteta ato cfare flitet, eshte e tmerrshme se kaq i ri dhe kaq i perlyer. Tmerr per kete vend. Kaq te perlyer qenkemi ne si popull qe nuk po arrijme te nxjerrim dike te paster e me deshire per te ndihmuar vertete njerezit e thjeshte???!!! Sa force paska pushteti per t'i perlyer te gjithe!!!
PërgjigjuShume e drejte! Fatkeqesi per kete vend!