Një delegacion me deputete të Kuvendit të Shqipërisë, i kryesuar nga zv/kryetarja Klodiana Spahiu, po zhvillon një vizitë dyditore në Itali.

Gjatë ditës së sotme delegacioni u prit në një takim nga zv/presidentja e Senatit të Italisë, Maria Domenica Castellone. I pranishëm në takim ishte gjithashtu edhe zv/sekretari i Përgjithshëm i Senatit, Alessandro Goracci.

Spahiu falënderoi Castellone për pritjen e ngrohtë dhe shprehu mirënjohjen për mbështetjen e vazhdueshme dhe të pakursyer që Italia i ka dhënë Shqipërisë që prej viteve ’90.

“Përfitoj nga rasti për të shprehur vlerësimin tim për marrëdhëniet e shkëlqyera dypalëshe dhe për angazhimin e përbashkët të të dy palëve për të forcuar partneritetin strategjik, të bazuar në lidhje të jashtëzakonshme dhe të qëndrueshme historike, kulturore, ekonomike dhe njerëzore.”-u shpreh znj. Spahiu.

P.J/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Mars, 21:56

    Mendoni se ndryshimet në Ekzekutiv do përmirësojnë qeverisjen e vendit?

Lajme të tjera