'COVID' kthehen në Kapshticë 2 shqiptarë të vaksinuar me Pfizer, po verifikohet nëse janë të infektuar me variantin 'Delta'

Dy persona janë kthyer nga pala greke në doganën e Kapshticës, pasi kanë rezultuar pozitiv me COVID.

Bëhet fjalë për dy anëtarë të një familje në një fshat të Pogradecit. Ata janë kthyer pas në doganën e Kapshticës pasi kanë bërë Rapid Testin në palën greke dhe kanë rezuluar pozitiv me koronavirus.

Ndërkohë që nga ana e autoriteteve shëndetësore, po verifikohet nëse këto dy persona janë infektuar me variantin e ri të COVID, Delta. Mostrat janë dërguar për analizë jashtë vendit dhe pritet një përgjigje zyrtare.

Burimet theksojnë se dy qytetarët kanë qenë të vaksinuar me 2 doza të Pfizer. Është bërë karantinimi i personave të dyshuar dhe kontaktet e tyre dhe pritet përgjigja zyrtare nga MSH, nëse janë të infektuar me variantin e ri të COVID.

Lajmi kryesor:

Komiteti i Ekspertëve: Varianti Delta i COVID në 10 qytete, 6 prej rasteve të vaksinuar me 2 doza jashtë shtetit! S’ndryshojnë masat, jo vaksinim i detyruar për të rinjtë

M.Q./Shqiptarja.com

TAG:
• Korce
• kapshtice
• varianti delta