Marrëveshja e detit/ Xhaçka në konferencën me Dendias: Kompromis për ta çuar në Hagë! Kërkuam zgjidhje për shfuqizimin e Ligjit të Luftës

Ministri i Jashtëm grek, Nikos Dendias ka postuar në profilin e tij në rrjetin social “Twitter” një foto nga takimi me kryeministrin Edi Rama, në kuadër të vizitës së tij në vendin tonë.

Dendias shkruan se ai u prit nga Rama në një drekë pune, teksa në qendër të bisedimeve të këtij takimi ishin pikërisht marrëdhëniet bilaterale mes dy vendeve tona, perspektiva evropiane dhe zhvillimi i mëtejshëm rajonal.

‘Duke përfunduar vizitën time në Tiranë, sot u prita për një drekë nga kryeministri i Shqipërisë Edi Rama. Marrëdhëniet dypalëshe, perspektiva e Shqipërisë drejt BE-së dhe zhvillimet rajonale ishin në fokus të diskutimit.’- shkruan Dendias.

Në vizitën e tij në Tiranë, ministri i Jashtëm Nikos Dendias theksoi se me anë të kompromisit të arrirë sot për referimin e çështjes së detit në Hagë do të shërbejë si një kapitull i ri për marrëdhëniet dypalëshe mes dy vendeve.

Dendias theksoi se e drejta ndërkombëtare është ajo që do të vendosë “pikat mbi i” mbi këtë çështje e cila prej vitesh është diskutuar si një nga hallkat penguese të marrëdhënieve diplomatike mes dy vendeve,

“Ardhja ime këtu në Tiranës është hap i fundit pas takimit tim me kolegun tonë Osmani. Dua të je mi qartë, se paqja dhe stabiliteti për ne përbën pjesën parësore. Kemi përpara nesh një hap shumë konkret që duhet të shtyjmë, është përshkallëzimi në veri të Kosovës. Në takimet që kam pasur në Beograd dhe Prishtinë kam nënvizuar dialogun mes dy vendeve.

Sot ne patëm mundësinë për të folur marrëdhëniet tona dypalëshe. Folëm për marrëveshjen e para dy viteve, që të arrijmë të çojmë në Hagë për detin edhe të shelfit kontinental. E drejta ndërkombëtare e detit është ajo që do rregullojë marrëdhëniet dypalëshe dhe do krijojë një kapitull të ri të marrëdhënieve tona dypalëshe. Gjithashtu folëm për minoritetet tona këtu dhe shqiptare tek ne. Ato janë ura e bashkëpunimit tonë. Madje, vizita e kryeministrit grek është ajo që do të kontribuojë në këtë aspekt. Diskutuam për mbrojtjen e mjedisit, sidomos për Lumin Vjosa dhe kemi rënë dakord për mbrojtjen e tij, shpallja do të bëhet në datat 22 dhe 23.”- tha ai.

Dendias theksoi se shteti fqinj do të na mbështesë në rrugën tonë drejt anëtarësimit në Bashkimin Evropian.

“Diskutuam edhe për energjinë edhe për marrëveshjen e Shqipërisë dhe Greqisë sa i përket energjetikes. Folëm për investimet më të shumta në Greqi dhe Shqipëri. Do doja të referohesha dhe në perspektivën evropiane të Shqipërisë. Greqia ka qenë mbështetëse e ngrohtë e Shqipërisë në rrugën evropiane. Këtë mesazh kam përcjellë në Beograd, Prishtinë dhe këtu. Mendojmë dhe besojmë se kjo rrugë është një realitet me një kalim dhe ka rëndësi shumë të madhe në konjekturat e ditëve të sotme të cilat janë pak të çuditshme në kohët ku jemi. Zonat e ndikimit nuk shkojnë për shtat as me vlerat evropaine as me ndërtesën evropiane. Perspektiva e Shqipërisë në BE është me një kalim. Unë do qëndroj për një drekë me Ramën më vonë e falënderoj. Më pas do ndërtojmë dy shkollat, sepse kjo tregojnë lidhjen tonë të afërt edhe në fushën e arsimit. Uroj që shumë shpejt t’iu mirëpres në Athinë! “- tha Denidas.

Ministrja e Jashtme, Olta Xhaçka është shprehur se në takimin me homologun e saj grek, Nikos Dendias, ishte edhe marrëveshja e detit, ku theksoi se ka vullnet për kompromis për për referimin e kësaj çështjeje në Hagë.

“Kemi mirëkuptim për të trajtuar dhe për të kërkuar zgjidhje për të gjitha çështjet, një nga ajo, ishte dhe marrëveshja me detit, të dyja palët kanë vullnetit për një kompromis për referimin e çështjet në Hagë, bashkëpunimi, si fusha sociale, kultura, janë ura për thellimin e bashkëpunimit,. Produkt është edhe kërkesa jonë për negociimin dhe nënshkrimin për pensionet, nga i cili do të përfitojnë dhe shqiptarët që punojnë dhe jetojnë në Shqipëri, sa i përket situatës në rajon, por edhe më tej, Dendias vjen nga një tur rajonal, folëm për rajonin dhe Europën, dënojmë sulmin në Ukrainë, integrimi i Ballkanit perëndimor merr përparësi dhe përfshin dhe Kosovën. Greqia është mbështetesë për integrimin tonë dhe më lejo të të falenderoj, për këtë proces jetik”, tha Xhaçka.