POP 5

Lajmet më të lexuara të 5 minutave të fundit

Kronikë

Dënohet me 1 vit burg turku i arrestuar në korrik në Rinas, në atdhe e konsiderojnë gylenist

Një vit burg do të vuaj turku Selami Simces i arrestuar në Rinas me vizë false kanadeze. Ai kërkohet nga Turqia si Gylenist dhe pjesë e grupit të grushtit të shtetit ndaj presidentit Erdogan, ndërsa ka paraqitur në Shqipëri dhe kërkesën për azil politik.

TIRANË - I kërkuar nga Turqia si Gylenist, dënohet nga drejtësia shqiptare me një vit burg.

Dënohet me 1 vit burg nga Gjykata e Tiranës, Selami Simsek, 40-vjeçari turk i ndaluar nga autoritetet shqiptare në aeroportin e Rinasit, pasi donte të shkontë në Kanada me vizë të falsifikuar.

Gjyqtari Ahmet Metaliaj, vendosi deklarimin fajtor për falsifikim të pasaportave dhe vizave dhe dënimin e Selami Simsek me 18 muaj burgim,  por për shkak se atij i ishte pranuar gjykimi i shkurtuar, dënimi ulet me 1/3-ën dhe përfundimisht dënohet me 12 muaj. Avokati i turkut, tha se dënimi që kërkon Prokuroria është shumë i rëndë. "Ai ka bërë 10 muaj paraburgim dhe kërkojmë dënimin me kohën e paraburgimit", tha pala mbrojtëse.

Në dëshminë e tij ka thënë më herët se ka paguar 5 mijë euro për ta marrë vizën e falsifikuar, ndërsa pasaporta turke ka qenë në rregull. Simsek u ndalua 5 muaj më parë në Rinas ku kishte prerë një biletë udhëtimi drejt Torontos.

Ai u arrestua bashkë me shokun e tij, mësuesin turk Harun Çelik në muajin korrik 2019. Por ky i fundit, pasi kreu dënimin tonë në vendin tonë me 5 muaj burg, u dëbua nga vendi dhe u ekstradua në Turqi pas dyshimeve dhe akuzave nga shteti turk se është gylenist.

Më 8 janar, Selami Simsek ka kërkuar azil politik në shtetin shqiptar, me argumentin se në Turqi e konsiderojnë pjesëtar të lëvizjes "Gulen" dhe mund ta keqtrajtojnë. Pritet që për këtë kërkesë të merret një vendim nga autoritetet shqiptare, Ministria e Brendshme si institucion përgjegjës.

Selami Simsek, prej momentit të arrestimit në muajin korrik 2019, ndodhej në paraburgim në institucionin e vuajtjes së dënimit tek "Mine Peza"  numër 302, ndërsa autoritetet turke kërkojnë ekstradimin e tij në Turqi.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

‘Giro d’Italia 2025’ nis nga Shqipëria, jehonë në mediat e huaja

‘Giro d’Italia 2025’ nis nga Shqipëria, jehonë në mediat e huaja

26 Dhjetor, 08:14