POP 5

Lajmet më të lexuara të 5 minutave të fundit

Politikë

Denoncimi i Manjola Cakonit, Basha: Teatri mizor me hallet e qytetarëve duhet të marrë fund

Kryetari i PD-së, Lulzim Basha ka reaguar në lidhje me historinë e Manjola Cakonit duke akuzuar qeverinë për neglizhencë.

Denoncimi i Manjola Cakonit, Basha: Teatri mizor me hallet e qytetarëve duhet të marrë fund

Lulzim Basha

Kryetari i PD-së, Lulzim Basha ka reaguar në lidhje me historinë e Manjola Cakonit duke thënë se detyra e një qeverie normale është të lehtësojë pasojat materiale për ta.

Përmes një postimi në rrjetet sociale, Basha shkruan se kërcënimi i një zonje të mbytur nga dhimbja dhe pamundësia për të përmbushur nevojat jetike, është një akt i ulët i një kryeministri që shkel mbi çdo premtim.

Më tej Basha shprehet se kryeministri Rama i përdor qytetaret për propagandë e më pas i braktis në mjerimin e tyre.

"Teatri mizor me jetën dhe hallet e qytetarëve duhet të marrë fund. Historia e Manjolës dhe Alesios tronditi mbarë opinionin publik. Një tragjedi e madhe, dhimbje e pashërueshme që do të mbetet gjithmonë e pranishme në jetën e tyre.

Detyra e një qeverie normale është të lehtësojë pasojat materiale për Manjolën, Alesion por dhe për mijëra persona të tjerë, që u goditën rëndë nga tërmeti i 26 nëntorit.

Por kjo që dëgjuam, kërcënimi i një zonje të mbytur nga dhimbja dhe pamundësia për të përmbushur nevojat jetike, është një akt i ulët i një kryeministri që shkel mbi çdo premtim, i dikujt që nuk e ndjen dhimbjen dhe vuajtjen e bashkëqytetarëve. Është akti i një burracaku që i kërcënon t'u mbyllë gojën viktimave të pushtetit të tij të korruptuar.

Është kriminale që fatkeqësia e bashkëqytetarëve tanë, në fillim u përdor për propagandë e më pas u harrua. Është kriminale që një kryeministër të kërcënojë një qytetare, vetëm pse ajo denoncoi shkeljen e premtimit dhe braktisjen e saj.

Fatkeqësisht, Manjola është vetëm një ndër mijëra gra të tjera që sot nuk kanë ushqim të mjaftueshëm për fëmijët e tyre dhe që jetojnë në çadra e kushte tejet të vështira.

Historia e saj është dëshmi ngjethëse e humbjes së çdo ndjeshmërie njerëzore dhe çdo përgjegjësie ndaj njerëzve nga ai që i përdor qytetaret për propagandë e më pas i braktis në mjerimin e tyre", shkruan Basha.

VIDEO e shperndare nga kreu i PD Lulzim Basha

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bledi: 11/09/2020 10:30

    Po pse e lodh veten or Lul.Rri ne gjume mos e prish terezine ke kunatin qe merret me ato pune.

    Përgjigju
  • Hasani: 11/09/2020 09:19

    Ti o plehu i kombit shqiptar ne radhe te pare ke shkelur kushtetuten e vendit sepse nuk te takon te jesh ne poste drejtuese sepse ke kombesi dhe nenshtetesi tjeter(holandeze) pastaj ne qoftese videoja qe ju keni nxjerre ku qytetarja e paguar nga regjisoret tuaj sikur eshte ofenduar nga kryeministri po ti i harrove ato te tuat kur vrave ne 21 Janar 4 qytetare vetem se kerkuan te drejtat qe u takonin? Po kur ishe kryetar bashkie qe policet e tu terhoqen zvarre plaken e gjore sepse i dhimbej shtepia?

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02