Denoncimi i PD: Në spitalin e Vlorës dy qytetarë u infektuan me COVID-19! Prokuroria të hetojë për zbatimin e protokolleve

Partia Demokratike në Vlorë ka denoncuar atë që po ndodh në spitalin e Vlorës, që sipas saj po kthehet në vatër infeksioni. Në një postim në Facebook, PD thotë se e gjithë situata që është krijuar është paaftësi e institucioneve.  Sipas PD dy qytetarë që kishin shkuar për të marrë shërbim në spital janë infektuar me COVID dhe më pas janë dërguar në spitalin infektiv në Tiranë.

"Kaosi dhe paaftësia kanë përfshirë institucionin shëndetësor më të madh të qytetit! Shkon për t’u shëruar nga sëmundje të ndryshme dhe rrezikon të infektohesh nga virusi!  Nga ndjekja në terren e strukturave të Partisë Demokratike Vlorë, konstatohet se;

 - Dy qytetarë të shtruar në repartin e Patologjisë për probleme të ndryshme shëndetësore, se janë infektuar me COVID 19. Ata janë dërguar në repartin infektivit të QSUT.

 - Akoma dhe më alarmante paraqitet situata në Maternitetin e Spitalit, i cili rrezikon të mbyllet nga mungesa e zbatimit të protokollit të kufizimit të virusit, pasi një infermiere ka  rezultuar me virus!

 - Drejtoresha e Spitalit, e ka braktisur detyrën dhe e ka lënë në mëshirë të fatit Personelin Shëndetësor, i cili rrezikon Infektimin në Masë", thuhet në njoftimin e PD.

Partia Demokratike Vlorë i kërkon Prokurorisë së Vlorës që të nis hetimet në lidhje me zbatimin e protokolleve përkatëse.

"Drejtuesit e Spitalit janë duke kryer një Krim në heshtje kundër qytetarëve të Vlorës, të cilët ndihen të pasigurtë për t’u shtruar në spital! Partia Demokratike Vlorë, Vlonjatët, presim reagimin zyrtar të Drejtoreshës Arrogante, në lidhje me situatën, ashtu siç “Reagonte” me statuset e saj në facebook “Edhe sot Vlora zero raste të infektuar”

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni vizitën e presidentit turk Erdogan në Shqipëri?



×

Lajmi i fundit

John

Lewandowskin apo Messin? Zbulohet si votuan Reja dhe kapiteni Etrit Berisha për lojtarin më të mirë të vitit