POP 5

Lajmet më të lexuara të 5 minutave të fundit

Politikë

Deputetët e PD kërkesë Kuvendit për ngritjen e një komisioni të posaçëm për verifikimin e Investimeve Strategjike: U përdorën për favore

Gazment Bardhi, Dashnor Sula, Jorida Tabaku, Dhurata Çupi, Lefter Gështenja, Arbi Agalliu dhe Ferdinand Xhaferraj, kërkojnë verifikimin e procedurave të dhënies së statusit të investitorit strategjik, duke argumentuar se, megjithëse qëllimi i ligjit për investitorët strategjik ishte pozitiv, ai u përdor për favore.

Deputetët e PD kërkesë Kuvendit për ngritjen e një komisioni të posaçëm për verifikimin e Investimeve Strategjike: U përdorën për favore

Selia e PD

7 deputetë të PD i kanë dërguar një kërkesë Kuvendit për ngritjen e një komisioni të posaçëm, për verifikimin e Investimeve Strategjike.

Gazment Bardhi, Dashnor Sula, Jorida Tabaku, Dhurata Çupi, Lefter Gështenja, Arbi Agalliu dhe Ferdinand Xhaferraj, kërkojnë verifikimin e procedurave të dhënies së statusit të investitorit strategjik, duke argumentuar se, megjithëse qëllimi i ligjit për investitorët strategjik ishte pozitiv, ai u përdor për t'u dhënë favore dhe përfitime njerëzve me lidhje të forta personale apo familjare pranë qeverisë dhe drejtuesve të Partisë Socialiste.

Sipas deputetëve mbi këto projekte ka pasur hije dyshimi për korrupsion, favorizim, paligjshmëri, klientelizëm dhe arbitraritet. Për deputetët demokratë, raste të tilla abuzimesh janë Porti i Durrësit, rasti i anëtarit të Këshillit Bashkiak Tiranë Gazmend Paja, që e akuzojnë se ka përfituar 133 mijë m2 në Dhërmi dhe rasti i bashkëshortit të ministres Olta Xhaçka, Artan Gaçi, që e akuzojnë se ka përfituar të drejtën e përdorimit të brigjeve të detit dhe të zonës përkatëse të plazhit përballë kompleksit që po ndërtohet në fshatin Gjilekë të bashkisë Himarë.

“Me qëllim shqyrtimin e të gjitha praktikave të deritanishme të ndjekura nga Komiteti i Investimeve Strategjike, vlerësimin e mundësisë për hartimin e ndryshimeve ligjore në ligjin nr. 55/2015 “Për Investimet Strategjike në Republikën e Shqipërisë” me qëllim parandalimin e të gjitha praktikave të paligjshme, abuzive apo korruptive, duke pasur parasysh edhe rëndësinë thelbësore që ka për ekonominë tonë rritja e përthithjes së investimeve vendase dhe të huaja, nëpërmjet procedurave të ligjshme, transparente dhe meritokratike, cmojmë të nevojshme ngritjen e një Komisioni të Posacëm Parlamentar për Investimet Strategjike”, thuhet në kërkesën e 7 deputetëve të PD.

Komisioni i Posacem per Investimet Strategjike- kerkesa zyrtare

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sifi: 04/05/2022 16:00

    Ngritja e komisionin nit te kuvendit per investimet strategjike eshte praktike e mire per transparence ,por te japin nend keta pilitikan qe mbasi humben pushtetin dhane ne korrik te 2013 plot 270 koncensine per klaney e dhe njerezut w tyre kjo eshte tragjikomike.Te kerkosh transparence duhet te jesh vet i paster ,por megjithate kerkesa eshte e drejte.Ju ish Kryeministri nistri nuk Ju llogjik garistr dhe jo tiu pyeste per pasurite kombeyRe qe shkuan per lesh ,qe nga Armo dhe dhjetra uzina dhe fabrika qe punesonin miheta punetor dhe i cuat per skrap.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sot sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut

Sot sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut

25 Dhjetor, 07:51