Dy vrasje brenda 24 orësh, ajo e adoleshentit, Adriel Sala në Fushë-Mamurras dhe ajo e 27-vjeçarit, Indrit Pepa kanë tronditur qytetin e Kurbinit. Kjo ka bërë që deputeti socialist i zonës, Gjetan Gjetani të shpërthejë dhe të akuzojë hapur drejtuesit e policisë së Kurbinit, si të korruptuar, të paaftë dhe ordinera.
Ai thotë se do të kërkojë interpelancë me minsitrin e Brendshëm, Fatmir Xhafaj për të kërkuar shkarkimin e drejtuesve të Policsë në Kurbin. Në rast se kjo nuk ndodh Gjetani thotë se është i gatshëm të dalë në protestë, pavarësisht ngjyrave politike.
Ngjarjet e fundit të ndodhura në Kurbin, më kanë shqetësuar shumë. Duke bërë që, në Kurbin, mos të ndjehemi të sigurt. Eksploziv, kërcënim me armë dhe vrasja e dy të rinjve, tregon që, policia është hallkë shtetërore shumë e paaftë. Kjo tregon, se në Kurbin, kanë sjellë oficera dhe drejtues policie të paafte të korroptuar dhe ordinera. Si deputet i kësaj zone, kam pas ankesa të shumta nga qytetarët të cilat do t’i bëj publike në parlament. Brenda muajit shtator do kërkoj interpelancë me ministrin e Brendshem, dhe nqs nuk do të marrë masa për pastrimin e Komisaritit të policisë Kurbin, unë i pari do ngrihem në protestë, duke kërkuar mbeështetjen e gjithë qytetarëve të Kurbinit pa marrë parasysh ngjyrat politike.
Deputeti i PS-së, Gjetan Gjetani
Komisariati i Kurbinit drejtohet nga Erdit Recaku.
Lajme të tjera
-
PD e LSI nisin mbledhjen e firmave për t’u regjistruar në zgjedhje, refuzojnë ‘mëshirën’ e deputetëve të opozitës: Nuk e njohim parlamentin
20 Janar 2021, 16:50 -
Lista/ Deputetët që kanë harruar Kuvendin, ata që nuk mungojnë në asnjë mbledhje
26 Dhjetor 2020, 19:20
-
65 vjeçari u vetëhodh nga spitali “Shefqet Ndroqi”, viktima ishte vjehrri i ish-deputetit të LSI-së
2 Shtator 2020, 21:40 -
Përçahet opozita në Kuvend/ 6 deputetë pro paktit të 'Zgjedhores', sigurohen votat në parlament! Reagon Murrizi: Vemje pa pigment
9 Korrik 2020, 17:35
