POP 5

Lajmet më të lexuara të 5 minutave të fundit

Politikë

Deputetja e PD vizitë në Torovicë, Metaliaj apel Ramës: Prioriteti i qeverisë, interesi qytetar

Deputetja e PD-së, Lindita Metaliaj denoncon braktisjen e banorëve në Lezhë, mungesën totale të investimeve në zonën e Torovicës. Metaliaj i ka bërë apel kryeministrit të kthejë vëmendjen nga qytetarët.

Deputetja e PD-së, Lindita Metaliaj denoncon braktisjen e banorëve në Lezhë, mungesën totale të investimeve në zonën e Torovicës. Banorët e fshatit Torovicë të Lezhës shprehen të indinjuar për mungesën e theksuar të investimeve në infrastrukturë, subvencioneve të fermerëve dhe largimit masiv të banorëve nga Shqipëria, veçanërisht fuqisë punëtore. Ata thonë se qeveria i ka gënjyer.

Deputetja e zonës, Lindita Nikolla ajo e qeverisë, na pati premtuar që shumë shpejt do bëhet rruga, shumë më shpejt sesa do ta kujtosh ti. Por deri sot nuk ka asnjë lloj veprimi. Problem shumë shqetësues janë gurët që bien nga mali, thotë një banor, i cili shton se rënia e tyre rrezikon shembjen e pallateve.

Banor i Torovicës

"Na kanë lënë sikur nuk kemi lidhje me njerëzimin”, thotë një tjetër banor. Ai shton se dëshpërimi po i largon njerëzit nga vendi i tyre në kërkim të një jete më të mirë.

Duke mos patur të ardhura njerëzit mbeten me duar në xhep, o zotëri! Kështu që tjetër shteg nuk na lë, vetëm për të ikur. Në qoftë se kërkon një punëtor ta gjesh, nuk ka forca të reja këtu sepse njerëzit kërkojnë të ikin dhe kanë ik. Kështu që ne jemi në dilemën e mbijetesës.

Banor i Torovicës

Ndërsa një tjetër banor shton:

Në 12 të natës ikin, kush ka takat të ikë. Unë më i pari iki nëse mundem.

Banor i Torovicës

Shqetësimin e banorëve të Torovicës e ndoqën nga afër deputetja e qarkut Lezhë, Lindita Metaliaj dhe kryetari i PD-së Lezhë, Paulin Marku. Zonja Metaliaj teksa denoncoi mungesën e theksuar të vëmendjes së shtetit ndaj fermerëve, duke mos i subvencionuar as në bujqësi e as në blegtori, vuri në dukje mungesën e shpresës tek ta, duke reaguar me largim nga Shqipëria.

Ndërsa kryetari i PD Lezhë, Marku, u bëri thirrje qytetarëve, fermërëve, të rinjve lezhianë të bashkohen dhe të reagojnë karshi kësaj keqqeverisje ku në vend të parcelave me drogë dhe hashash, t’u ofrojë qytetarëve punë, jetë dhe siguri.

Deklarata e plotë e Deputetes së Qarkut Lezhë, Lindita Metaliaj: 

Qeveria “Rama” në këto 5 vite e ka premtuar që në mandatin e parë që do ta ndërtonte rrugën, por realisht zero investime për Lezhën dhe kryesisht për zonën e Torovicës. Fusha e Torovicës dikur ishte një fushë që prodhonte shumë, jo vetëm për zonën dhe për gjithë Shqipërinë, madje edhe për vendet e BE. Ndërsa sot në momentin që flasim fusha e Torovicës nuk prodhon më asgjë, madje as për nevojat jetike për vetë banorët e zonës. Sepse kjo qeveri nuk subvencionet asgjë për fermerët, asgjë për bujqësinë, asgjë për blegtorinë. Si rezultat i gjithë këtyre faktorëve, këtu banorët po largohen sepse iu mungon shpresa, ose më mirë të themi iu ka vdekur shpresa. Me qeverinë “Rama” askush nuk ka më shpresë të jetojë në trojet e tyre, në vendin e tyre, në shtëpitë e tyre.

Është e vërtetë që ekziston si qendër shëndetësore por është një godinë e kalbur dhe mjeku mungon aty në pesë ditë të javës. Mjeku aty është vetëm një ditë të marte. Ndaj unë dua të bëj një apel qeverisë “Rama” të kthejë vëmendjen nga qytetari, të vëjë prioritet interesin qytetar dhe jo të bashkëqeverisë me krimin dhe me bandat. Pasi sot këtyre qytetareve përveç papunësisë dhe varfërisë sot po iu rrezikohet edhe jeta.

Deklarata e Kryetarit të PD Lezhë, Paulin Marku: 

Apeli është që qytetarët duhet të bashkohen dhe të reagojnë karshi kësaj keqqeverisje ku në vend të parcelave me drogë dhe hashash, t’u ofrojë qytetarëve punë, jetë dhe siguri.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33