Deputetja shqiptare në kuvendin kroat i përgjigjet deklaratës së Milanoviç: Kroacia ashtu si Kosova fitoi pavarësinë nga ish-Jugosllavia

Deputetja shqiptare në Kroaci, Ermina Lekaj Prljaskaj, ka reaguar ndaj deklaratës së presidentit kroat Zoran Milanoviç i cili tha se se “Kosova i është rrëmbyer Serbisë”. Ajo theksoi se themelet për pavarësinë e Kosovës janë të njëjtat që çuan në pavarësinë e Kroacisë.

Ajo tha se Kroacia ashtu si Kosova kishte qenë pjesë e ish Jugosllavisë. Më tej shtoi se Kosova ishte element përbërës i federatës, duke theksuar se iu hoq autonomia nën presionin e Sllobodan Millosheviçit.

“Kosova vetëqeverisëse u degradua në njësi administrative në të cilën u zbatua një regjim policor dhe persekutim masiv i popullatës shumicë shqiptare. E gjithë kjo, për shkak të rrezikut të një fatkeqësie të afërt dhe shkeljes së dispozitave të së drejtës ndërkombëtare humanitare, çoi në një ndërhyrje humanitare, e cila është e njohur në marrëdhëniet ndërkombëtare dhe pikërisht në zonën e Evropës Juglindore”, tha Lekaj.

Lajmi kryesor:

Presidenti i Kroacisë bën deklaratën shokuese: Kosova i është rrëmbyer Serbisë! Kryeministri kroat i del kundër: Askush nuk e ka aneksuar Kosovën

B.V/Shqiptarja.com

TAG:
• Ermina Lekaj-Përlaskaj