Deputetja Zhupa-Ministres së Kulturës: Keni zgjedhur moton e Vegasit për Butrintin! Nuk hapët konkurs pasi interesi është për paratë dhe biznesin

 

Deputetja e PD, Ina Zhupa i thekson sërish ministres së Kulturës se hoqi parkun e Butrintit si zonë e mbrojtur dhe ngriti pyetjen përse nuk pati konkurs për privatin. Sipas saj, interesi nuk ështe te Butrinit, por biznesi që vjen nga Butrinti. 

“Iku ministrja e Turizmit se do i dilte emri dhe asaj sepse është Kumbarja e këtij ndërtimi. Kjo është filozofia që të ndani atë që nuk ndahet në dy pjesë. Këtë nuk e mohoni. Tregojani dhe Kumbaros. Si ka mundësi që planin e menaxhimit të Butrintit të njëjtët njerëz që morën fondacionin e Butrintit. Si ka mundësi që kjo ministria e Kulturës që të menaxhojë sitin që garanton 1 mln dollarë. Si ka mundësi që këta që marrin fondacionin, janë ata që bëjnë ligjin për trashëgiminë kulturore. 

LEXO EDHE:
Kushtetuesja rrëzoi kërkesën Rithemelimit, Zhupa: Butrintin do e mbrojmë deri në fund, i drejtohemi SPAK

Keni zgjedhur dhe moton e Vegasit. Çfarë ndodh në Butrint, mbetet në Butrint dhe nuk dihet se çfarë ndodh. Ti ke qenë personi që ke mbrojtur heqjen si zonë e mbrojtur të parkut të Butrintit. Mungesa totale e transparencës e ka shoqëruar këtë koncesion që nga dita e parë e deri më sot. Asgjë nuk është bërë në zbatim të ligjit. Si ka mundësi që planin e menaxhimit e bëjnë të njëjtit njerëz që morën fondacionin? A ka konflikt interesi këtu? A ka njeri që e mohon këtë konflikt interesi dhe e cilëson si çështje normale? A ka njeri që mendon që nëse do ia jepnim një privati, të hapnim një konkurs se mbase do kishte fondacione shumë më prestigjoze? Por jo, sepse gjithçka është e paracaktuar me lidhje klienteliste sepse interesi nuk është Butrinti, por paratë dhe biznesi që vjen nga Butrinti”, tha Zhupa.

Lajmi kryesor:

Parlament, interpelancë për Butrintin, Zhupa: Do ndërtoni resort, pse s'e jepni me koncesion dhe Ministrinë e Kulturës? Margariti: Nuk do ketë asnjë ndërtim

A.M./Sh.Sh/Shqiptarja.com

TAG:
• elva margariti
• Ina Zhupa
• debati per butrintin