LEZHË- Detaje të reja janë zbardhur në lidhje me ngjarjen e ndodhur mbrëmjen e 13-nëntorit në një lokal në fshatin Zejmen të Lezhës, ku tre persona të maskuar dhe të armatosur hynë dhe terrorizuan disa të rinj që ishin në një tavolinë. Sipas burimeve pak minuta pas ngjarjes, një patrullë policia rastësisht ka shkuar dhe ka mbyllur lokalin i cili qëndronte i hapur dhe pas orës policore, por asnjë nga personat që janë gjetur aty nuk kanë treguar apo denoncuar atë çfarë kishte ndodhur. Ndërkohë pronari i lokalit, Ani Kola dhe personat e tjerë të cilët ndodheshin brenda në momentin e ngjarjes, vijojnë të jenë në arrati duke mos bashkëpunuar me policinë.
Blutë u vunë në lëvizje 1 jave pas ngjarjes, vetëm pasi pamjet u bënë virale në media e rrjete sociale. Policia identifikoi menjëherë lokalin dhe personat që kishin qenë brenda, por kur shkuan mbrëmjen e së premtes për të kryer veprimet e gjeten të mbyllur biznesin dhe pronari e personat e tjerë që kanë qenë brenda kur ndodhi ngjarja nuk u gjetën në banesa. Sipas burimeve blutë kanë hapur forcërisht lokalin dhe kanë sekuestruar serverin e kamerave të sigurisë të cilat kanë filmuar ngjarjen. Gjithashtu janë sekuestruar dhe kamerat e sigurisë së objekteve të tjera në zonë për të parë lëvizjet para dhe pas ngjarjes, çka mund të ndihmojë në identifikimin e mjetit me të cilin mund të kenë lëvizur personat e armatosur.
Dyshimet janë se pjesë grupit të personave të maskuar dhe armatosur kanë qenë dhe dy të tjerë, por që nuk kanë hyrë brenda lokalit. Ata mendohet se kanë pritur në ambientet e jashtme të lokalit, ku kishin ndaluar dhe makinën. Nga veprimet hetimore të deritanishme ka dyshime të forta se tre personat me maska në kokë e kallashnikovë në dorë mund të jenë dërguar si vrasës me pagesë, por nuk e gjetën në lokal objektivin e tyre, ndaj pasi përfundojnë verifikimet, ata ikin të qetë pa marrë dhe dëmtuar asgjë. Por mister mbetet fakti se pse pronari i lokalit nuk e ka denoncuar ngjarjen në polici e madje duke iu fshehur bluve. Ndaj 25-vjeçarit Ani Kola dhe tre të rinjve që ndodheshin në lokal është ngritur akuza për “Moskallëzim Krimi”. Ata si dhe tre personat që bënë terror me kallashnikovë në dorë ndodhen në arrati. Me një javë vonesë përballë një ngjarje që ngre sërish alarmin për situatën e kriminalitetit, Policia e Lezhës thotë se po punon për gjurmimin e tyre.
Lajme të tjera
-
E rëndë në Kurbin/ 61-vjeçari bie në makinerinë e përpunimit të inerteve, humb jetën te Trauma! Ishte i pastrehë, tërmeti i shembi shtëpinë
23 Nëntor, 09:34 -
Moti i keq në aksin Fushë Arrëz-Mirditë/ Vërshimi i ujërave nga mali bllokon qarkullimin në tunelin e Gojanit
22 Nëntor, 20:26 -
Moti i keq/ Shiu i dendur krijon vështirësi për lëvizjen në autostradën Lezhë-Thumanë
22 Nëntor, 17:04 -
Moti i keq/ Rrëshqitje gurësh në aksin Skuraj-Burrel (VIDEO)
22 Nëntor, 12:30 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Moti i keq në Lezhë, stuhia dëmton linjat e energjisë elektrike, disa fshatra pa drita! Vijon i pezulluar lundrimi në Shëngjin
22 Nëntor, 09:09 -
Vrau babanë dhe vëllanë e ish-gruas në Lezhë, Apeli lë në fuqi dënimin burg përjetë për Besnik Pjetrin
21 Nëntor, 15:55 -
Moti i keq/ Pezullohet lundrimi i peshkarexhave në Shëngjin! Bashkia Lezhë thirrje qytetarëve: Bëni kujdes, parashikohen reshje me intensitet
21 Nëntor, 09:39 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kurbin/ Dyshohet se kreu marrëdhënie seksuale e dhunoi vajzën e tij të mitur, arrestohet babai! E denoncuan fqinjët! 53-vjeçari: S’e kam përdhunuar
20 Nëntor, 15:31
-
Shëngjin/ Shkrumbohet nga flakët një makinë tek Rana e Hedhun, drejtuesi ishte brenda mjetit bashkë me dy vajzat! Arritën të dalin pa lëndime (VIDEO)
19 Nëntor, 16:40
-
Rënia e temperaturave, aktivizohet ngrohja në shkollat e Lezhës
19 Nëntor, 15:17
