X

POP 5

Lajmet më të lexuara të 5 minutave të fundit

Kronikë

Detaje nga mbytja e 17-vjeçares në Velipojë/ E reja ishte me pushime me familjen! Djali doli në breg pas 2 orësh xhiro me motor uji, vajzën e la në det

Detaje të reja kanë dalë në dritë nga mbytja e 17-vjeçares në Velipojë. Burime zyrtare bëjnë me dije se 17-vjeçarja e identifikuar si Enisa Doda kishte shkuar me pushime në Velipojë së bashku me familjen e saj. Së bashku me Indrit Bajraktarin, kanë marrë një motor uji me qira rreth orës 14:00, por vajza nuk është kthyer më në breg. I vetmi që ka dalë ka qenë djali, pas 2 orë e gjysmë.

"Vihet në pranga një 25-vjeçar për ngjarjen e ndodhur në Velipojë ku humbi jetën si pasojë e mbytjes në det një 17-vjeçare. Strukturat hetimore të Drejtorisë Vendore të Policisë Shkodër në bashkëpunim me Shërbimet e Policisë Velipojë, menjëherë pas ngjarjes së ndodhur ku humbi jetën si pasojë e mbytjes në det një 17-vjeçare, organizuan punë nën drejtimin e Prokurorisë së Rrethit Gjyqësor Shodër për zbardhjen e rrethanave të ngjarjes.

Në përfundim të veprimeve të para hetimore u bë arrestimi në flagrancë i shtetasit: - I. B., 25 vjeç, banues në fshatin Kullaj, Njesia Administrative Postrribë Shkodër. Nga tërësia e veprimeve hetimore rezultoi se më datën 19.08.2020, rreth  orës 14:00, në vendin e quajtur Vilu, plazh Velipojë Shkodër, ky shtetas ka hyrë në det me motor uji të marrë me qira së bashku me shtetasen E. D., 17 vjeçe, banuese në Bathore.

Rreth orës 16:30, ky shtetas ka dalë në breg pa motorin e ujit duke lënë të mbytur në ujë shtetasen E. D., e cila kishte ardhur për pushime së bashku me familjen e saj. Në cilësinë e provës materiale u sekuestrua çelësi i motorit. Materialet i kaluan Prokurorisë pranë Gjykatës së Shkallë së Parë Shkodër për veprime të mëtejshme për veprat penale "Shkaktimi i vetëvrasjes”, "Moskallëzimi i krimit" dhe "Veprime që pengojnë zbulimin e së vërtetës", njofton policia.


Lajmi kryesor:

Velipojë/ Doli me motor uji në det me 25-vjeçarin, gjendet e pajetë me shenja dhune 17-vjeçarja!I riu u kthye në breg pas 2 orë e gjysmë, vajzën e la në det
B.K./b.ha./Shqiptarja.com
  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Parlamenti britanik miraton ligjin për dërgimin e emigrantëve të paligjshëm në Ruanda! Sunak: Asgjë s’do na pengojë, shpëtojmë jetë

Parlamenti britanik miraton ligjin për dërgimin e emigrantëve të paligjshëm në Ruanda! Sunak: Asgjë s’do na pengojë, shpëtojmë jetë

23 Prill, 10:48