POP 5

Lajmet më të lexuara të 5 minutave të fundit

Kronikë

Detaje/ 'Peshku i madh’ i Vlorës përvetësoi toka në bregdet, si u falsifikua dosja në ‘97-ën

Zbardhen të dhëna të reja për tjetërsimin e 100 ha tokë në bregdetin e Zvërnecit në Vlorë. Zbulohet se biznesmeni Pëllumb Petritaj ka falsifikuar dosjen gjyqësore të vitit 1997 dhe pasi ka përvetësuar tokën në fjalë, e ka shitur tek vajza e tij

Zbardhen të dhëna të reja për tjetërsimin e 100 ha tokë në bregdetin e Zvërnecit në Vlorë, për të cilat u arrestua një ditë më parë biznesmeni i njohur, Pëllumb Petritaj, i konsideruar edhe si 'peshku i madh i Vlorës'.

Gjykata e Vlorës ka urdhëruar dhe arrestimin e Blerina Dhramit, juriste pranë hipotekës së Vlorës.

Prokurori Albert Kulici zbuloi se biznesmeni Pëllumb Petritaj ka falsifikuar dosjen gjyqësore të vitit 1997 ku gjyqtar ka qene Qatip Bylykbashi, Agim Hamiti dhe Artemisa Mece. Prona e tjetërsuar ndodhet në vendin e quajtur Gryka e Pishës në Nartë të Vlorës. Gjatë hetimit prokuroria zbuloi se dosja e ATP me nr.674 i përket Muhamet Bedinit dhe jo Seit Shehut që ka bashkëpunuar me Petritaj.

Petritaj përfaqësonte Ramiz Shehun, Merjeme Shehun, Sadiha Shehun, Lulzim Shehun, Lavdosh Shehun dhe Seit Shehun. Pasi kanë marrë pronën prej 1 milion m2 të gjithë këta persona kanë autorizuar Petritajn t’i shesë tokën vajzës së tij Ina Petritaj.

Shitja është kryer me një çmim prej 253 milion lekë, por pretendohet se lekët janë dhënë jashtë zyrës së noterit dhe pa një transaksion bankar. Kalimi në këtë mënyrë është bërë për të fshehur të kaluarën kriminale se si është përfituar kjo pronë. E gjithë prona është marrë mbi bazën e dokumentave të falsifikuara dhe duke shpërdoruar detyrën nga punonjës të administratës.

Pëllumb Petritaj njeriu që ka tjetërsuar pjesën më të madhe të pronave në bregdetin e Vlorës, pak muaj më parë u dënua me 1 vit burg nga gjykata. Tashmë çështja ndodhet në Apelin e Vlorës.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dejon: 11/10/2018 22:11

    Pullumbi ushtari Artur Shehut ka bere shum dallavere ne Hipoteke shtrengojeni pak se do filloj te kendoj se rrac spiune eshte

    Përgjigju
    • fatlumi i vlores: 12/10/2018 00:24

      me ata te meret i gjati.....fillon countdown menjehere. mendon se do jemi me aq fat?!

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Koha për të përforcuar marrëdhëniet duke treguar ndjenjat me sinqeritet, horoskopi për sot

Koha për të përforcuar marrëdhëniet duke treguar ndjenjat me sinqeritet, horoskopi për sot

5 Nëntor, 07:09