Detaje të reja nga vrasja e 14 vjeçares në Shkup! Kush e njoftoi mamanë e vajzës dhe si ndodhi rrëmbimi! Autori pasi e qëlloi u arratis

SHKUP - Rrëmbimi dhe vrasja e 14 vjeçares Vanja Gjorqevska në Shkup ka tronditur mbarë opinionin publik. Rasti bëhet edhe më i rëndë pasi në këtë krim dyshohet se është përfshirë babai i saj.

Ministri i Brendshëm i Maqedonisë së Veriut doli sot në një konferencë për median ku tha se rrëmbimi ishte kryer me qëllim që të merren para nga nëna e të miturës.

“Një nga personat, në marrëveshje dhe në dijeni, sipas informatave të para, të një anëtari të familjes, e ka kryer e  ka organizuar kryerjen e veprës penale, me qëllim që të merren para nga nëna e të miturës, nga çka të gjithë të përfshirët do të kishin përfitime të parave, respektivisht përfitime materiale”, tha ministri Oliver Spasovski.

LEXO EDHE:
Shkup/ VMRO dhe VLEN pajtohen për “shtyllat kryesore” të Qeverisë së re

Gazetari i Rtv21 në Maqedoninë e Veriut Mevludin Imeri zbuloi për Report Tv detaje të reja lidhur me rrëmbimin më 27 nëntor 2023.

Vajza ka dalë nga shtëpia në mëngjes për të shkuar në shkollë kur dy persona kanë rrëmbyer vajzën dhe e kanë futur në bagazhin e Citroen të lidhur me këmbë e duar. Ata kanë qenë të shoqëruar nga një makinë tjetër.

Vajza pasi është rrëmbyer është nxjerrë jashtë Shkupit dhe ku është vrarë, dhe u gjet trupi i pajetë, disa ditë më pas më 3 dhjetor

“Ka qenë kujdestarja e klasës së Vanjës e cila ka marrë në telefon mamanë e adoleshentës për ti treguar se e mitura nuk ishte paraqitur në shkollë” zbulon gazetari Nga Maqedonia e Veriut, Imeri për emisionin "Sot Live në Shqipëri' në Report Tv

Menjëherë më pas e ëma ka bërë denoncimin dhe ka nisur operacioni i kërkimit deri më 3 dhjetor kur policia zbuloi trupin a pajetë të viktimës dhe ka arrestuar 5 persona si autorë të dyshuar të këtij krimi të rëndë

Organizatori kryesor dhe personi që dyshohet se me pistoletë në ora 10:00 të datës 27 nëntor, kreu vrasjen e 14-vjeçares Vanja Gjorqevska në Shkup , është Lupço Palevski i cili është në arrati. Sipas të gjitha gjasave ai e ka vrarë edhe 74-vjecarin nga Velesi I cili u zhduk më 24 nëntor.

Mevludin Imeri thotë se ndaj tij është firmosur urdhërarresti

Palevski është arratisur nga Maqedonia e Veriut përmes Beogradit ka shkuar në Bullgari ku i humben gjurmët.

S.G/r.k./Shqiptarja.com

TAG:
• Maqedoni e Veriut
• Vanja Gjorçevska