Detaje të reja! Rrëfimi i dëshmitarit të masakrës në Pragë: Njerëzit filluan të vrapojnë në panik, patëm fatin që shpëtuam gjallë!

Autori i ngjarjes, David Kozak

Detaje të reja janë zbardhur nga vrasja në Pragë e 15 personave nga 24-vjeçari çek, David Kozak. Sipas policisë, 24-vjeçari ka përdorur një lloj arme të tipit ZEV 308 win AR10, e cila është përdorur shpesh në sulmet në shkolla në SHBA. Dy dëshmitarë okularë grek Antonis Angelidis dhe gruaja e tij kanë rrëfyer momentet e tyre të tmerrit për median ERT.

“Pak më parë kishim kaluar pikërisht aty ku ndodhi ngjarja. Kaluam me makinë, parkuam pikërisht atje dhe ecëm disa metra larg, d.m.th. u ngjitëm deri në kështjellën e qytetit të vjetër dhe patëm një pamje të të gjithë incidentit. Menjëherë njerëzit filluan të vraponin në panik. Filluam të dëgjonim sirena dhe ambulanca. Që në fillim u duk se diçka e keqe kishte ndodhur. Në fillim nuk e kuptuam saktësisht se çfarë kishte ndodhur. Ajo që pamë, ishte njerëz në panik, shumë ambulanca që vraponin gjithandej, sirena. Në vendngjarje dhe në rrugët përreth kishte panik”, Angelidis për ERT.

LEXO EDHE:
Çeki: Zbulohet një rrjet propagande i financuar nga Rusia

Për sa i përket identitetit të viktimave, ende nuk është bërë publik asnjë informacion, por policia njoftoi mëngjesin e së premtes se ka identifikuar 13 nga 14 viktimat, ndërsa tre nga të plagosurit janë me origjinë të huaj. 

Lajmi kryesor:

Masakra me 14 të vrarë dhe 25 të plagosur në universitetin e Pragës! Vrasësi qëlloi viktimat në kokë e gjoks, Çekia shpall të shtunën ditë zie

S.S/Shqiptarja.com

TAG:
• prage
• Çeki