DEVOLL-Një aksident me pasojë vdekjen e një 24-vjeçari dhe plagosjen e një 20-vjeçari është regjistruar pasditen e sotme në Devoll.
 
Ngjarja ka ndodhur në fshatin Çetë ku Andrea Karuni duke drejtuar një mjet tip zetor ka dalë nga rruga dhe për pasojë ka gjetur vdekjen.
 
Si pasojë e aksidentit është plagosur 20-vjeçari D.B që ndodhej pasagjer në këtë mjet, ndërsa dy të rinj të tjerë kanë marrë plagë të lehta.
 
Ai është dërguar menjëherë në spitali në gjendje të rëndë shëndetësore.
 
Mësohet se në zetor ndodheshin 4 persona në gjendje të dehur, të cilët kishin dalë për të festuar 1 majin sipër fshatit. 

[gallery]22055[/gallery]


 
Redaksia Online
B.B/Shqiptarja.com