TIRANË- Kreu i Shtetit, Ilir Meta ka vijuar betejën e tij për zgjedhjet vendore të 30 qershorit 2019 dhe sot ka hedhur një tjetër hap. Presidenti Meta i ka kërkuar ditën e sotme Komisionit të Posaçëm të Apelimit (KPA) hetimin disiplinor të relatores së çështjes, Fiona Papajorgji, por edhe anëtarë të tjerë të Gjykatës Kushtetuese. Në argumentimin e tij ligjor, prej 17 faqësh Meta thotë se Papajorgji dhe gjyqtarët e tjerë kanë konsumuar shkelje të rënda profesionale dhe etike që diskreditojnë pozitën dhe figurën e gjyqtarit gjatë ushtrimit të mandatit lidhur me vendimin për 30 qershorin.
"ka të dhëna mëse të mjaftueshme se nga një apo disa gjyqtarë të Gjykatës Kushtetuese janë konsumuar shkelje të rënda profesionale dhe etike që diskreditojnë pozitën dhe figurën e gjyqtarit gjatë ushtrimit të mandatit dhe kërkojnë që nga ana juaj të merren masa për fillimin menjëherë të procedimit disiplinor", shkruan Meta.
Për Metën, Papajorgji nuk është zgjedhur si relatore e çështjes me anë të shortit, siç e parashikon ligjit, por është "përcaktuar" duke lënë dyshime se këtu ka qenë edhe pikënisja e të gjitha shkeljeve të ligjit, siç i cilëson presidenti, që kanë vijuar më pas.
"Është tërësisht e paqartë dhe e pazbardhur se si i është caktuar zonja Fiona Papajorgji si relatore për këtë dosje. Duke prezumuar kështu faktin që, ose zonja Papajorgji ka shprehur dëshirën, ose është caktuar nga Kryetarja e Gjykatës si relatore e çështjes, pa hedhur një procedurë shorti si kërkesë taksative e ligjit. Ky fakt meriton një hetim të plotë disiplinor", shkruhet në njoftimin e presidencës.
Meta bën Papajorgjin fajtore edhe për faktin e Gjykata Kushtetuese nuk ka dërguar në Komisionin e Venecias asnjë prej pyetjeve të palëve të interesuara, përfshirë këtu Shoqatës e Bashkive të dhe Partisë Bindja Demokratike. Ky fakt, për Metën, cenon parimin e transparencës së Gjykatës Kushtetuese, prandaj i kërkon KPA-së të nisë hetimin hetimin disiplinor mbi qëllimet e këtij vendimi jo vetëm të relatores së çështjes, por edhe të anëtarëve të tjerë. Më konkretisht për trupën gjykuese të përbërë nga Vitore Tusha, Kryetare, Elsa Toska, Marsida Xhaferllari, Altin Binaj, Përparim Kalo, Sonila Bejtja, Fiona Papajorgji, anëtarë, me sekretare Enina Kotoni.
"Dërgimi i pyetjeve nuk pasqyrohet si e zbardhur në asnjë dokument, ç’ka krijon bindjen që Relatori i çështjes, zonja Papajorgji, që përgjigjet për ndjekjen dhe ecurinë e dosjes me veprimet e saj, ka shmangur dërgimin e pyetjeve dhe i ka paraqitur Kryetarit të Gjykatës për nënshkrim vetëm tre pyetje që janë ngritur prej saj. Referuar dokumentacionit të dosjes gjyqësore, është krejtësisht e paqartë se si ka ndodhur kjo, dhe ky fakt në vetvete, që cenon dukshëm parimin e transparencës së Gjykatës Kushtetuese, kërkon hetim disiplinor të thelluar nga organi procedues për të arritur në një nivel objektiv përfundimesh se cila ka qenë përfshirja e relatores apo e anëtarëve të tjerë të Gjykatës Kushtetuese në këtë shkelje të procedurës së marrjes së një vendimi nga ana e Gjykatës Kushtetuese", shkruan ndër të tjera Meta.
Në vendimin e 4 nëntorit 2021, Gjykata Kushtetuese rrëzoi pretendimet e Metës dhe opozitës duke i cilësuar zgjedhjet lokale të 30 qershorit, legjitime! Për rrjedhojë, si rezultat i këtij vendimi, kreu i shtetit dekretoi datën e zgjedhjeve 6 marsin, vetëm në 6 Bashkitë pa kryetar dhe jo përsëritjen e tyre në të gjithë vendin.
(Kliko këtu për të lexuar kërkesën e Metës drejtuar KPA)
Lajme të tjera
-
Sali Berisha lirohet nga 'arresti shtëpiak!' Reagon opozita! Bardhi: Fitore politike e tij! Meta nga burgu: Urime
27 Nëntor, 11:29 -
Suel Çela ndikoi tek Ilir Meta për të rikthyer Pajtime Fetahun në gjyqësor
26 Nëntor, 21:16
-
Gjykata Kushtetuese shqyrton më 27 dhjetor 'arrestin e shtëpisë' të Berishës, thërret dhe Kuvendin e SPAK në seancë
26 Nëntor, 14:26 -
U shkarkua në 2021 pasi nuk provoi burimin e ligjshëm të pasurisë, KPA lë në fuqi vendimin e KPK për gjyqtarin e Apelit të Vlorës, Nazmi Troka
26 Nëntor, 09:23 -
Buxheti 2025, Kuvendi shpërndan para shtesë për institucionet e drejtësisë! 100 mln lekë për godinën e re të SPAK, fond pagash për stafin e Komisionerit Publik
26 Nëntor, 07:06 -
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Dumani: Në filtër vendimet e Vetingut! Shqetësim gjyqtarët e prokurorët që janë në sistem, ka premisa që kryejnë akte korruptive! Me iniciativën tonë hetojmë të shkarkuarit
25 Nëntor, 10:48 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
