Dje qindra demokratë nga gjithë Shqipëria, dhjetëra deputetë, të gjithë kryetarët e degëve të Partisë Demokratike të Shqipërisë, miq të shumtë të familjes Basha përcollën për në banesën e fundit në varrezat e Tufinës Xhelal Bashën.
Dje pasdite Sali Berisha shkeli kodin e të vdekurve dhe nuk anulloj foltoren siç do të bënte një burre me parime, por vazhdoj sulmin me zhargonin e tij në foltoren e Kamzës, ku zbrazi një sërë akuzash ndaj Lulzim Bashës, ambasadores së SHBA-së dhe disa gjygjtarëve që kanë në dorë dosjen e Fatmir Çernobilit, Gerdecit.
Sistematikisht Berisha ka sulmuar kryetarin e Partisë Demokratike z Lulzim Basha të zgjedhur me votë plebishitare se gjoja ka shkelur statutin me përjashtimin nga grupi parlamentar i PD pas shpalljes non grata nga SHBA.
Sali Berisha që publikisht mbron fort parimet dhe statutin vetë ka abuzuar pasi shpalli dt e të ashtuquajturit Kuvend Kombëtar në menyrë arbitrare dhe ia atriboj vetes statusin e të gjithë pushtetshmit, duke keqpërdorur nostalgjinē e militantëve të PD për interesat personale të tij dhe familjes vetë.
Tashmë është e qartë se Sali Berisha po tenton të rrembejë PD dhe të pushtojë institucionin e opozitës me puç statutoro-kushtetues duke kryer kështu mirëfilltasi grusht shteti.
Egocentrizmi dhe narcizmi i tij tejkaluan çdo limit. Në menyrë të paskrupullt Berisha shkeli dhe normat e të drejtës zakonore qysh nga Dardania antike, shpërfilli kodin e të vdekurve.
Edhe pse Lulzim Basha kishte mort sepse përcolli në banesën e fundit babain Sali Berisha nuk e ndaloj sulmin e katjushkës së ndryshkur ndaj tij.
Natyrshëm lind pyetja retorike çfarë faji ka Lulzim Basha pse Amerika e ka shpallur non grata Sali Berishën?!
Sigurisht asnjë faj.
Një fjalë e urtë popullore thotë:
“Ska çfarë i ban kalit dhe i bie samarit”
Berisha ndonëse ka bërë betimin e Hipokratit në politikë mban qendrimin e hipokritit duke mbajtur qëndrim të dyfishtë, nga njëra anë i thur ditirambe SHBA, nga ana tjetër sulmon Bashën dhe Yuri Kimin, por asnjëri nuk i kanë asnjë borxh. SHBA e ka shpallur non grata familjarisht Berishën me një motivacion shumë të rëndë.
Familja e tij tashmë është shpallur zyrtarisht nga Departamenti Amerikan familje mafioze.
Motivacioni i shpalljes e radhit atë mes familjeve Gambino, Coza Nostra, Corona Unita etj. Për të eklipsuar këtë liçitje publike Berisha po përpiqet të rrëmbejë opozitën për ta bunkerizuar atë e për të përdorur për mbrojtjen e vetes dhe familjes.
Zhvillimet globale të fundit deshmojnë se bota po shkon drejt një Jalte të re ku po përplasen fuqitë e mëdha dhe filozofitë konservatore të shtet kombeve dhe shoqërive të hapura e globalizmit.
Në këtë përplasje qytetrimesh pansllavizmi dhe neootomanizmi janë në akord kundër shqiptarizmit.
Berisha si njohës i mirë i gjeopolitikës në menyrë të vullnetshme u bë pjesë e këtyre skenarëve për t’u bërë protagonist i zhvillimeve të brendshme e faktor rajonal kundër interesave amerikane, prandaj ai kërkon aleatë në këtë betejë antagoniste të tij, që në fakt është e fundit.
SHBA janë investuar fort prej shumë kohesh në Ballkan dhe Shqipëria në sajë të mbështetjes së Amerikës po i jep fund tranzicionit të gjatë dhe regjimit autokratiko-oligarko- plutokrato-kakistokratik.
Kjo është arsyeja që të gjitha segmentet e tij sulmojnë Lulzim Bashën me të gjithë arsenalin e tyre sepse është shnderruar simboli i epilogut të regjimit autokratik dhe personifikimi i epokës demokratike.
Doktrina Basha e frymëzuar nga Monteskië që pret çertifikimin parlamentar realizon ndarjen reale të pushteteve dhe shpirtëzon shtetin e së drejtës.
Filozofi i lashtë grek Aristoteli na ka lenë si testament një maksimë:
“Jemi skllevër të ligjeve për të qenë të lirë”
Pikërisht këtë kërkon të realizojë me paketën e tij kushtetuese dhe vetingun politik Lulzim Basha shtetin ligjor, ndarjen e shtetit nga krimi dhe barazinë e secilit para ligjit.
Berisha është i ndërgjegjshëm se ai si simbol i autokracisë ka rënë, e për pasojë edhe berishizmi sinonim i enverizmit, bolshevizmit është në grahmat e fundit, por nuk don ta pranojë dhe po keqpërdor nostalgjinë e demokratëve për mbijetesë me shprese se Zoti do të bëjë mrekulli për të, në dhjetorin e krishtlindjeve, në dhjetorin e dytë, do të rilindë Berisha i tretë dhe do të rishkruaj edhe një herë historinë e humbur pa lavdi.
Në fakt shqiptarëve Zoti po ju dhuron një mrekulli, ndarjen përfundimtare nga Leviathani “Përbindëshi” Berisha.
Levizja çartiste e tij do të këtë një fund të turpshëm.
Endrra për rilindje do të mbetet utopi.
Demokratët e Shqipërisë çdo ditë do të vetëdijësohen se po keqpërdoren nga Sali Berisha në aventurat e tij donkishoteske për interesat përsonale dhe të familjes së vet dhe se nuk ia vlen të sakrifikojnë veten e shtepinë e lirisë për familjen dhe shtëpinë e Berishës.
Platformës përçaj dhe sundo në emër të bashkimit tanimë i ka dalë boja.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
Hë më të lumtë pena mor Azgan....
Përgjigju