POP 5

Lajmet më të lexuara të 5 minutave të fundit

Avokati Nikolla: Vendimi i padrejtë, por media nuk meriton fyerjet

Avokati i njërit prej të dënuarve të grupit të Lazaratit, Bashkim Nikolla e ka cilësuar momentin e tensionit dhe të dhunës që është ushtruar ditën e sotme në Gjykatën e Krimeve të Rënda si një moment të vështirë psikologjik për familjarët. Ai tha ndër të tjera se vendimi i marrë i gjykatës ishte një vendim tërësisht i njëjtë me atë të Gjykatës së Shkallës së Parë. Duke e cilësuar si të padrejtë burgosjen 11 personave, avokati u shpreh se rasti në fjalë është stisur nga dikush tjetër, që me shumë mundësi sipas tij mund të jetë i lirë. 

Avokati i njërit prej të dënuarve të grupit të Lazaratit, Bashkim Nikolla ka reaguar fill pas tensionit dhe dhunës që është ushtruar nga familjarët e tyre në Gjykatën e Krimeve të Rënda.

Ai u shpreh për mediat se dhuna e ushtruar ndaj gazetarëve dhe gjyqtarëve duhet konsideruar si një moment i vështirë psikologjik për familjarët. Avokati Nikolla cilësoi se gjendja e tyre e rënduar psikologjike megjithatë nuk duhet të përkthehet në veprime dhune tek përfaqësuesit e mediave, pasi këto të fundit, sipas tij, i kanë ndenjur afër të dënuarve duke e pasqyruar drejt rastin e vrasjes së efektivit të policisë Ibrahim Basha.

“Më vjen keq për këtë që ndodhi. Ky është një moment i vështirë psikologjik për familjarët, të cilët kanë tre vjet që presin drejtësinë. E megjithatë, nuk duhet të përkthehet në veprime të tilla tek përfaqësuesit e mediave, pasi ju i keni ndenjur afër dhe e keni pasqyruar drejt”, iu shpreh avokati gazetarëve të pranishëm. 

Më tej, ai komentoi edhe vendimin e gjykatës, duke e cilësuar si “copy paste” të vendimit të Gjykatës së Shkallës së Parë. Duke renditur një sërë pasojash që mund të sjellë ky vendim, avokati deklaroi se deri më tani nuk ka asnjë provë të vetme se kush është vrasësi dhe se ky i fundit, sipas tij, mund të jetë i lirë.

Nuk është hetuar dhe nuk është marrë mundimi të hetohet. Që nga data 24 qershor asnjë veprim procedurial nuk është marrë. Ibrahim Pasha është vrarë nga një drejtim tjetër, në një largësi që godasin vetëm snajperët. E megjithatë, unë them që nuk është vonë që çështja të hetohet.

Bashkim Nikolla, Avokat

Avokati Nikolla u shpreh më tej se për vendimin e sotëm të dhënë nga Gjykata e Krimeve të Rënda, pala e të akuzuarve do t ‘i drejtohet Gjykatës së Lartë.


Lajmi kryesor:

Apeli lë në fuqi vendimet/ Lazaratasit karrige gjykatësve dhe gazetarëve, policia nuk mbron mediat
/b.ha./Shqiptarja.com
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armëmbajtje pa leje, arrestohet 28-vjeçari

Shkodër/ Në kërkim për armëmbajtje pa leje, arrestohet 28-vjeçari

24 Nëntor, 10:00