TIRANË- Tashmë që data e zgjedhjeve parlamentare është zyrtarizuar më 11 maj, kryesocialisti Edi Rama kërkon më shumë angazhim nga të tijët. Në selinë rozë, mblodhi këtë të hënë për më shumë se 2 orë, Kryesinë e partisë dhe kryetarët e bashkive, të cilët mbledhjes iu bashkuan përmes platformave online.
Me fokusin tek vota e diasporës, që do të jetë testi i parë në këto zgjedhje, Rama u la afat 2-3 javë për të përmbyllur procesin e identifikimit të emigrantëve në regjistrat e partisë.
Pjesën e dytë të takimit, Rama e vijoi vetëm me anëtarët e kryesisë, ku sic bëjnë me dije burime për Report Tv, njoftoi disa ndryshime në grupin e drejtuesve politikë.
Blendi Klosi, mori zyrtarisht detyrën si drejtues politik në qarkun e Dibrës, aty ku pritet të jetë edhe kandidat në listën përfundimtare. Klosi i cili më herët ishte caktuar të administronte procesin zgjedhor në të gjithë vendin, shkoi në Dibër, pas spostimit të Blendi Goxhes në Qarkun e Tiranës, konkretisht në zonën e Kombinatit.
Surprizë ishte ministri i Mbrojtjes, Pirro Vëngu, i cili për zgjedhjet e ardhshme do të punojë në qarkun e Vlorës, krah Bledi Çuçit, i cili është drejtuesi politik i zonës. Burime bëjnë gjithashtu me dije se Ministri i Financave, Petrit Malaj, do të punojë krah Belinda Ballukut në Fier, duke përforcuar edhe këtë qark, që njihet si bastion i së majtës.
Pas mbledhjes së kryesisë, takimet Rama i vijoi në formate më të ngushta me disa prej eksponentëve kryesorë të PS. Erion Veliaj, Blendi Klosi, Taulant Balla dhe Ministri i Brendshëm Ervin Hoxha, dolën më vonë se pjesa tjetër.
Pasi anuloi edhe një aktivitet të parashikuar në axhendë, Rama la selinë i fundit, pas më shumë se 2 orësh, i shoqëruar nga Ministri i Drejtësisë Ulsi Manja. Për mediat zgjodhi të mos fliste, por kishte vetëm një batutë: “Kemi dy orë që ju presim, futuni në PS".
Lajme të tjera
-
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Sondazhi i Dibrës, PS përmbys rezultatin merr 3 mandate deputetësh kundër 2-ve të PD-së
25 Dhjetor, 21:51 -
Sondazhi për Dibrën, garë e ngushtë mes PS dhe PD, bojkotohen partitë e vjetra të tjera! Të rejat shohin ngjitje
25 Dhjetor, 21:49 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Reshjet e dëborës në disa akse, ARRSH: Drejtuesit e mjeteve të pajisen me goma dimërore dhe zinxhir! Borëpastrueset në terren
24 Dhjetor, 08:39 -
Moti i keq/ Bora bllokon qarkullimin në rrugën e Arbrit (VIDEO)
23 Dhjetor, 15:33 -
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Dibër, aksident në aksin Melan-Peshkopi! Automjeti i 62-vjeçarit del nga rruga, lëndohen 3 persona
23 Dhjetor, 10:51 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Proda takohet me drejtuesit e rinj të komisariateve dhe u lë porosi: Angazhim maksimal për parandalimin e krimit dhe zbatim i ligjit!
21 Dhjetor, 15:11
