Janë dhjetë artistë nga Italia dhe Ballkani, të cilët ripërcaktojnë konceptin e artit digjital në një ekspozitë të përbashkët të çelur në galerinë “Gocat” te Piramida në Tiranë.
“aDigital Perspective”, një projekt i Instituteve Italiane të Kulturës të Beogradit, Bukureshtit dhe Tiranës, i kuruar nga “Spazio Taverna” e pati ndalesën e parë në kryeqytetin shqiptar.
"Kur u ftuam të mendojmë për ekspozitën mbi artin digjital, sigurisht çdokush kishte në mendje kripto dhe inteligjencën artificiale por menduam të bëjmë një antiekspozitë. Kjo ishte sfida kryesore, të mendojmë për artistët që janë italianë dhe nga Ballkani, që janë në gjendje të hetojnë dhe eksplorojnë botën digjitale, por me mediume tradicionale, sepse arti bashkëkohor nuk ka të bëjë me se si e bën diçka, por çfarë mendon dhe cili është mesazhi që kërkon të përcjellësh. Të dhjetë artistët e ftuar kanë një kërkim të thellë mbi punën digjitale në një mënyrë jo të zakonshme.”, - thotë Marco Bassan, themelues i "Spazio Taverna".
Artistët e përzgjedhur janë të njohur në skenën e artit bashkëkohor ndërkombëtar.
“Diferencat më të mëdha vijnë nga background I tyre. Artistët italianë janë më të fokusuar në kërkimet mbi historinë e artit dhe interpretimin e historisë përmes lenteve të botës digjitale. Ndërkohë, në botën ballkanike, çdo gjë është më sociale, më politike dhe artistët shohin në botën digjitale në një mënyrë sfiduese.”, - vijon Bassan.
Nisma është pjesë e një projekti më të gjerë të diplomacisë kulturore, e cila synon forcimin e lidhjeve mes Italisë dhe vendeve ballkanike, përmes artit bashkëkohor. Ekspozita do të jetë shëtitëse dhe do të çelet edhe në Bukuresht, Beograd e Prishtinë, duke propozuar një reflektim të përbashkët mbi të ardhmen e digjitales në panoramën artistike. Krahas ekspozitës është botuar një katalog dygjuhësh, i pasur me intervista me shkrimtarë, filozofë dhe intelektualë të sugjeruar nga artistët, me qëllim eksplorimin e tematikave të nxjerra nga veprat, edhe nga pikëpamja teorike.
Komente
Lajme të tjera
-
Transformimi i peizazhit urban në artin e Anila Rubikut! Artistja shqiptaro-italiane, me ekspozitën e parë në Tiranë
31 Janar, 12:57
-
Shfaqet dokumentari për gjuhën dhe traditat arbëreshe! Lorik Cana dhe Arbër Agalliu, protagonistë te 'Udha'
22 Nëntor 2024, 14:13
-
Ilide Carmignani, ‘zëri’ i Nerudës, Markez e autorëve të mëdhenj në italisht në Panair: ‘Magjia’ e përkthimit e miqësia me Sepulvedën! Letërsia, urë dialogu me Shqipërinë
17 Nëntor 2023, 16:27
-
Italo Calvino, bota e mjeshtrit italian në ilustrime! Në Qendrën e Librit ekspozita me 31 punime të përzgjedhura nga 500 artistë nga e gjithë bota
18 Tetor 2023, 17:07 -
'Shënime video’, artistë shqiptarë e italian bashkë për aspekte të veçanta të realitetit! Kufijtë dhe individualiteti, 'Njerëzit e zakonshëm' të Filippo Berta-s
20 Shtator 2023, 16:14
-
Ornela Vorpsi në Tiranë: Më kujtohet nëna, babai, rihapen plagë! S’e kam një shtëpi, por vij me dëshirë! 'Sulmet' për raportin me Ramën: I ditur e i kultivuar, si e njoha tek 'Artet'!
20 Prill 2023, 16:58
-
30 vite nga eksodi i parë i shqiptarëve drejt Italisë, kineasti: Nuk e dinim se ku po shkonim! (VIDEO)
11 Mars 2021, 14:53
-
Konkurs për artistët e rinj, Alessandra Bertini: Tema qendrore, “Hapësira e jetuar”
30 Prill 2020, 16:51
