TIRANË- Doktoreshë Eriselda Dino, Specialiste në Institutin e Shëndetit Publik i lidh rastet e shumta në ditë (sot 93) me bërjen e më shumë testeve, por edhe sepse sipas saj virusi tani më "ka nxjerrë kokën" pasi vendi ka qenë i mbyllur. Në intervistën për Report Tv, në edicionin qendror të lajmeve, parë në prizmin optimist, Dino tha se ka rënë trasmetueshmëria, pra një person infekton më pak.
"Numrat duhen lexuar në shumë aspekte, shifrat duken alarmante, por duhet të marrim parasysh rritjen e numrit të testimeve. Testimet janë dyfishuar dhe normalisht numri i të prekurve është më i lartë. Duhet të shihet edhe politika e hapjes. Kemi qenë në lockdown të plotë, dhe virusi nuk e kishte nxjerrë kokën e vet dhe pritej. Nuk mund t'i vihet faj individi, por është i gjithë sistemi që duhet të funksionojë. R0 që njihet si matës për hapjen e sëmundjes është 1.12. Kjo do të thotë që 1 person i infektuar me COVID mund të infektoj afërsisht 1 person, transmetueshëria ka rënë. Nuk është ndonjë shifër që duhet pasur frikë, se Mali i Zi e ka 1.8, pra që mund të infektohen 2 persona", tha Bino.
Në pritje të një vale të dytë, Dino vuri theksin që Ministria e Shëndetësisë duhet të ketë një plan paraprak gati.
"Ne kemi dikur 30 raste të infektuar për 1 mln banorë, gjithsesi kjo është e lartë se nuk kemi qenë në këto shifra më parë. Askush nuk e di se çfarë do të ndodhë, ne duhet të jemi të përgatitur si Ministria e Shëndetësisë, duhet të ketë një plan paraprak. Duhet të jemi të pajisur me veshje e pajisje, kapacitet për ventilatorë dhe aspirator, dhe duhet të jetë si ato lekët e shtëpisë që nuk duhen prekur në rast se kemi një buxhet. Duhen trajnuar persona se si mund të veprohet në rast pandemie. Nuk është puna të akuzojmë individin apo personelin shëndetësor. Normalisht strategjia duhet të jetë e implementimi, në mënyrë që të mos jenë spitaliet, siç ishte QSUT vatra të përhapjes së sëmundjes, duhet të jetë sistemi i triazhimit, pra që para se të shkojë në spital të tamponohet atje, të monitorohet nëse ka shenja të COVID dhe kur tamponi del negativ atëherë mund të shtrohet, në të kundërtën do marrë trajtimin te një repart i dedikuar ndaj COVID", u shpreh Dino.
Ajo ka treguar edhe mitet që janë krijuar për COVID-19. "Midis popullatës ka mite dhe teori konspirative që qarkullojnë gjatë bisedave. Shumë më kanë pyetur a mund të infektohem nga kafshët apo ushqimet e palara, por ajo që dihet se ai merret nga spërklat dhe kjo është një mënyrë më pak e rrezikshme. Përdorimi i kondicionerit mund të bëhet risk se është i njëjti ajër që qarkullon. Ka njerëz që dyshojnë nëse ekzistojnë apo jo virusi se nuk e kanë parë te një i afërm i tyre, por duhet të jemi vigjilent. Ne duhet të pranojmë që në këtë kohë duhet të bashkëpunojmë me virusin, për një kohë të gjatë", tha specialistja.
Në fund, Dino është ndalur të flasë edhe për maskën, ku ka theksuar se është shumë e domosdoshme që të mbahet në ambientet e mbyllura, veçanërisht nga të moshuarit dhe ata që vuajnë nga sëmundje kronike.
"Maska është shumë e rëndësishme, që mbron më shumë personin që është përballë dhe ai që e mban. Jam me detyrimin e maskës vetëm në ambientet e mbyllura dhe pa ventilim. Por nuk më duket e përshtatshme që të mbahet në plazh apo në shëtitje. Nëse vihet me detyrim mbajtja e maskës, kush do i mbajë koston, biznesi apo individi lind pyetja? Do rekomandoja për të moshuarit dhe ato që kanë sëmundje kronike që të mbajnë maskën. Nëse respektohen masat, plazhi mund të jetë një ambient shumë i mirë i njerëzve, hiq grumbullimet në plazh apo uljen në restorante, plazhi dhe dielli bën mirë për imunitetin, përfundoi Dino në Report Tv.
Lajme të tjera
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06 -
Asnjë humbje jete dhe 11 persona të infektuar në të gjithë vendin! Situata Covid-19 gjatë 24 orëve të fundit
23 Nëntor 2022, 17:29
