6 janari shënon Ditën e Ujit të bekuar për besimtarët ortodoksë. Për shkak të pandemisë tradita e hedhjes së kryqit në ujë dhe kapja e saj nga besimtarët për të marrë bekimin për këtë vit do të mungojë në qytetin e Korçës, Sarandës, Fierit, Durrësit dhe Gjirokastrës por jo në Vlorë, Pogradec dhe Berat ku i pranishëm në ceremoni ishte edhe presidenti Ilir Meta.
Shmangia e grumbullimeve ka bërë që kjo traditë të anulohet për këtë vit në Korçë, ndërsa mesha e ujit të bekuar për besimtarët u zhvillua në katedralen "Ngjallja e Krishtit" në Korçë në orët e para të mëngjesit, ku ishin të pranishëm disa besimtarë. Pasi marrin ujin e bekuar në kishë sipas traditës besimtarët spërkatin pragjet e shtëpisë duke uruar bekime dhe mbarësi. Kjo meshë është mbajtur edhe në Berat.
Por pandemia nuk ka penguar këtë traditë në qytetin e Beratit, ku me dhjetëra besimtarë janë mbledhur për të bekuar qytetin me ujë si dhe të zhvillohet ceremonia e hedhjes së kryqit. Kanë qenë të shumtë të rinjtë që janë hedhur në lumin Osum për të kapur kryqin, një traditë që duket se as pandemia nuk i ka penguar ta zhvillojnë.9 të rinj sfidojnë temperaturat e ulëta dhe pandeminë dhe hyjnë në lumin Osum, ku kryqi u kap nga 21-vjeçari Daniel Lirza. Sipas traditës,21-vjeçari troket derë më derë në portat e banesave të lagjeve: "Mangalem", "Goricë" e "Kala" si dhe në lagjet e tjera beratase,ku "dorovitet" nga banorët
I pranishëm në këtë ceremoni ishte edhe presidenti Ilir Meta, i cili uroi besimtarët në këtë ditë të bekuar, ndërsa tha se sot shënohet edhe 30 vjetori i hedhjes së kryqit, traditë e ndaluar në vitet e komunizmit.
“Është kënaqësi e veçantë të zgjidhja sot qytetin e Beratit, këtë qendër mijëravjeçare të qytetërimit tonë, për të festuar dhe uruar, ditën e Ujit të Bekuar. Hedhja e Kryqit në ujë, dhe pikërisht në lumin e Osumit, është në vetvete një bekim, që simbolizon edhe fuqinë e Zotit mbi njerëzit. Le të na ndriçojë kjo Ditë e Shenjtë dhe të na forcojë besimin në Zot, për të përballuar së bashku këto sfida të vështira, me të cilat ndeshemi, si pandemia COVID-19 dhe për të fituar të gjitha sfidat e këtij viti. Është një rast i shkëlqyer për t'ju uruar: Gëzuar dhe mbarësi për vitin 2021 të gjithë qytetarëve të Beratit dhe Shqipërisë! Zoti i bekoftë shqiptarët kudo ndodhen!”, tha Meta.
Ceremonia e hedhjes së kryqit është zhvilluar edhe në Vlorë, ku disa të rinj janë hedhur në det për të kapur kryqin e bekuar. Por edhe në Pogradec ku kryqi është hedhur në liqen.
Mesha e ujit të bekuar është mbajtur edhe në qytetin e Fierit dhe Sarandës, por nuk do të zhvillohet tradita e hedhjes së kryqit në ujë duke shmangur kështu grumbullimet. Në qytetin e Durrësit, Kisha Ortodokse ka zhvilluar meshën e ujit te bekuar, por jo ceremoninë e hedhjes së kryqit për shkak të pandemisë. Kjo ceremoni zhvillohej në afërsi të porti të Durrësit, për që këtë vit është zhvilluar vetëm mesha në ambientet e kishës së Shën Astit dhe Shën Pavlit.
Edhe në Gjirokastër u morr i njëjti vendim, ku u mbajt mesha e ujit të bekuar, por nuk u hodh kryqi në lum për të respektuar masat anti-covid.
VIDEO/Ceremonia në Pogradec
VIDEO/ Ceremonia në Berat
Në qytetin e Durrësit, Kisha Ortodokse ka zhvilluar meshën e ujit te bekuar, por jo ceremoninë e hedhjes së kryqit për shkak të pandemisë. Kjo ceremoni zhvillohej në afërsi të porti të Durrësit, për që këtë vit është zhvilluar vetëm mesha në ambientet e kishës së Shën Astit dhe Shën Pavlit.
Edhe në Gjirokastër u morr i njëjti vendim , ku u mbajt mesha e ujit të bekuar, por nuk u hodh kryqi në lumë për të respektuar masat anti-covid.
Lajme të tjera
-
Përfundimi i punimeve, ARRSH: Nga 5 nëntori mbyllet tuneli i Llogorasë
4 Nëntor, 15:31 -
VIDEO/ Uji i zi i Gjanicës, banorët e Fierit dhe ambientalisti: Shteti të gjobisë kompanitë e naftës dhe fabrikat e vajit
4 Nëntor, 13:39
-
Makina përfshihet nga flakët në Bypassin e Vlorës, dyshimet e para
4 Nëntor, 12:03 -
Partia e Lirisë kërkesë Policisë e Ministrisë së Brendshme: Na vini në dispozicion emrat e policëve që ‘rrëmbyen’ Ilir Metën, operacion kriminal
4 Nëntor, 11:46 -
Ilir Meta rrëfehet nga qelia: Kam pasur oferta për t’u arratisur! E njoh burgun qysh kur vizitoja Fatos Nanon! Arrestimi im ishte rrëmbim i mirëfilltë
4 Nëntor, 11:31
-
Vlorë/ 472 kursantë në Qendrën e Formimit Profesional! Kuzhinier, hidraulik e parukeri, kurset më të kërkuara
4 Nëntor, 10:06
-
Lobimi në SHBA dhe CEZ-DIA, Meta kërkon lirinë, Kryemadhi ankimon detyrimin e paraqitjes! Monika në SPAK: Do u tregoj të vërtetat e ‘satelitëve’ të Shqipërisë
4 Nëntor, 09:50
-
Hapet 'Ekspozita e Grupit Muri' në Vlorë, 30 punime dhe 12 artistë
3 Nëntor, 22:04
-
Fier/ Ndotet lumi Gjanica, ujërat shndërrohen në ngjyrë të zezë! Shkak hidrokarburet e derdhura, erë e keqe, ARM do nisë inspektimin (VIDEO)
3 Nëntor, 19:02
-
Tedi Blushi takim me drejtuesit e PL në SHBA dhe BE, ju përcjell porositë që i ka dhënë Ilir Meta
3 Nëntor, 18:08 -
Renditja/ Vora 'pa rivalë', merr kreun e Kategorisë së Parë! Kastrioti përmbys 4-3 Korabin, Pogradeci fiton me Apoloninë
3 Nëntor, 16:14 -
Korçë/ Plagosi me thikë djalin e tij 15-vjeçar pasi nuk pranonte të shkonte në shkollë, gjykata lë në burg babain
3 Nëntor, 13:10
