“Ditët, muajt, vitet e mundësisë sonë të madhe”, u shpreh kryenegociatorja e Shqipërisë para Këshillit Kombëtar të Integrimit. Majlinda Dhuka nënvizoi se mbyllja e negociatave është sfida më e madhe që vjen dhe ka nisur një punë intensive për përgatitjen e të paktën 10 kapitujve. Tre prej tyre vlerësohen të realizuar, ndërsa vijon puna për të tjerët.

“Sfida është mbyllja e tyre me dinjitet, cilësi dhe rezultate të pakthyeshme si vend i BE. Po punojmë intensivisht që të përgatisim teknikisht mbylljen e kapitujve për të paktën 10 kapitujt e parë që mbulojnë 27 nga 101 piketa në total, teksa punojmë paralelisht me të gjitha fushat ose kapitujt e tjerë. Sa u përket kapitujve 30, marrëdhëniet me jashtë, 25, kërkimi shkencor dhe 26 – arsimi, ne vlerësojmë se Shqipëria i ka kryer të gjitha përgatitjet. Sigurisht pritet vlerësimi i Komisionit Europian dhe vendeve anëtare”, tha Dhuka.


Lajmi kryesor:

Këshilli i Integrimit, Balla: Shqipëria s’ka qenë kurrë më afër BE se sot! Dhuka: Punë intensive për mbylljen e 10 kapitujve! Gogu: Sfidë, ulja e stokut të 130 mijë dosjeve