POP 5

Lajmet më të lexuara të 5 minutave të fundit

Kronikë

Divorci/ Elia Zaharia shfaqet ‘shik’ në gjykatë, mungon Leka! Shtyhet seanca, avokati Roshi për Report Tv: Princi jashtë Tirane, do ndahen

Në një kohë që të dy janë pajisur me urdhër mbrojtje për shkak të sherrit të dhunshëm, Princi Leka dhe Elia Zaharia do të marrin pjesë në seancën e parë të procesit të divorcit në 11 prill. Gjykata e shtyu kësaj here, për shkak se Leka u përfaqësua vetëm me avokatin e tij Aranit Roshi, i cili tha se kjo histori ka marrë fund, ata do të ndahen.

TIRANË- Ndryshe nga hera e shkuar, kur Elia Zaharia, u paraqit në gjykatë, me profil të lodhur dhe të vetmuar, këtë të hënë, mbërriti ndryshe për seancën e zgjidhjes së martesës së saj me Princ Lekën.

E shoqëruar nga avokatja e saj, e veshur dhe e kuruar mirë, Elia ia lejoi vetes të shfaqej me dëshirë publikisht pas videoskandalit në Oborrin Mbretëror, ku u përplas fizikisht me ish-bashkëshortin Princ Leka.

Në këtë seancë palët do të pyeteshin nëse duan ti japin dhe një shans martesës së tyre. Por trupi gjykues, për shkak të mungesës së Lekës II i cili u përfaqësua nga avokati i tij Aranit Roshi, seanca u shty për një 11 prill.

“Unë isha prezent në seancë, por klienti im jo pasi ndodhej jashtë Tiranë për arsye personale. Edhe pse unë e përfaqësova klientin tim, gjyqtari duhet të dëgjonte të dyja palët e prekura, pra edhe vetë Princin, nëse ka apo jo shanse pajtimi. Por jo, ata do bëjnë marrëveshje dhe do zgjidhet çdo gjë, do ndahen”, tha avokati për Report Tv.

Aktorja u fotografua edhe kur doli nga Gjykata. Princin me të cilin u nda pas 15 vitesh së bashku vitin e kaluar, nuk e pati as 5 metra larg, siç është përcaktuar në urdhër mbrojtje .

Kujtojmë se më 5 mars çifti u përplasën fizikisht me njëri-tjetrit brenda rezidencës mbretërore, sherr ku u përfshi edhe babai i Elia Zaharisë, Gjergj Zaharia dhe  pamjet u bënë edhe virale

Në videon e regjistruar nga Princ Leka aktorja shikohet duke e goditur, kurse babai i saj, Gjergj Zaharia mban në dorë një statujë druri.

Princ Leka hodhi në gjyq ish-bashkëshorten, me të cilën ka një vajzë, Geraldina dhe ish-vjehrrin. Po ashtu edhe baba e bijë paditën për dhunë 42-vjeçarin.

Gjykata Civile e Tiranës firmosi dy urdhër mbrojtje për Princ Lekën dhe ish-bashkëshorten Elia Zaharia. Çifti duhet të mbajnë distancë 5 m, nga njëri-tjetri dhe Leka duhet të takojë vajzën e vogël jo në prezencë të Elias, por të dados. 

Prokuroria e Tiranës ka nisur hetimet pas kallëzimit në polici për veprën penale “Dhunë në familje”, por po kryhen hetime për të zbuluar se kush e nxori videon në media.

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

27 Prill, 23:01