‘Djathtas 1912’, Kulluri i përgjigjet sulmeve të Berishës: S’na kishte marrë malli për fjalimet e shokut Enver! Te ne s’ka njerëz të përfshirë me krimin, gjeji te oborri jot

TIRANË- ‘Djathtas 1912’ është partia më e re brenda kampit opozitar që u prezantua një ditë më parë, nga deputeti Enkelejd Alibeaj e themelues të tjerë, të cilët veten e shohin larg Sali Berishës apo Lulzim Bashës.

Edvin Kulluri, një prej themeluesve të kësaj force të re politike, në një intervistë për Report Tv tregon synimet e kësaj partie, por edhe vijat e kuqe me Berishën. Për gazetarin Nertil Agalliu, Kulluri thotë se PS do ketë rezultat edhe më të dobët se zgjedhjet vendore, ndërsa shprehet i bindur se partia e tyre ‘Djathtas  1912’ do të sigurojë vend në parlamentin e ardhshëm.

“Berisha thotë një gjë më të drejtë, që kryeministrin e përcakton vota. E falënderoj që ai ka bindjen që ne do jemi në kuvendin e ardhshëm, fakti që e pranon, kryeministër pa votat tona dhe shumë faktorëve të tjerë politikë, do jenë këta faktorë që do e përcaktojnë, nëse arrijmë të marrim si shumicë votash si detyrë. Mua më rezulton se rezultati do jetë më i dobët se 14 maji, për shkak të gabimeve dhe trajektores që e kanë futur partinë. Ne do jemi në Kuvendin e ardhshëm, angazhimet që kemi marrë, që s’mund të jetë Berisha lideri i opozitës, por vetëm pjesës së tij, është një qëllim që nuk heqim dorë”, tha Kulluri në Report Tv.

LEXO EDHE:
Berisha non-grata, Alexander Kasanof për VOA-n: Përcaktim për të ndihmuar reformën në drejtësi dhe SPAK

Kulluri thotë se kryeministri i një vendi anëtar në NATO, nuk mund të jetë non grata nga SHBA e Britania e Madhe. Sipas tij, ata janë ndarë nga modeli i vjetër, ku partitë trajtohen si prona e kryetarëve.

“Nuk mundet që kryeministri i një vendi anëtar të NATO të jetë non grata nga SHBA apo Anglia, që ka një rol të rëndësishëm në këtë aleancë. Ky model është tejkaluar. Ne prej këtij modeli jemi ndarë. Partitë nuk janë prona e kryetarëve, por e anëtarësisë dhe publikut”, tha Kulluri në Report Tv.

S’ka koalicion me PS e as nuk ulen në tryezën e negociatave me PD, nëse do propozojnë Berishën për kyeministër. Këto janë dy pikat që Kulluri thotë se nuk i negociojnë.

“Koalicion me PS nuk ka, koalicion me PD pa Berishën kryeministër do ulemi të diskutojmë, ky është kusht i panegociueshëm, pastaj nëse këta duan të vazhdojnë aleancën e kullave, amnistinë kundër SPAK, aleancën e listave të mbyllura, ta vazhdojnë, por do rreshtojnë shqiptarët kundër tyre”, vijoi Kulluri.

Një përgjigje e ka edhe për sulmet e Berishës, i cili i quajti puçistë apo edhe ‘tao, tao partitë’. Sipas Kullurit, Berisha nuk ka se çfarë i jep më Partisë Demokratike, ndërsa ironizoi fjalën e Berishës duke thënë se nuk na kishte marrë malli për fjalimet e shokut Enver. 

“Etiketimi i çdo njeriu që mendon ndryshe, si i shitur, si tao tao, talebanë, mirë që s’na tha edhe Escobar, El Chapo. Këto karaktere si tabanë të shohë mos i ka të oborri vet, te ne s’ka njerëz të përfshirë me krimin, as me radikalizëm islamik. Ne jemi njerëz normal që vlerësojmë disa principe.

Nuk ka pse sulmon çdo njeri që mendon ndryshe nga ai. Ai mund të mos pëlqeu mua, por unë se kam quajtur as terrorist, as trafikant, as të shitur. Nuk na kishte marrë malli për fjalimet e shokut Enver. Ka një kohë politike që mbaron për çdo njeri, Berisha s’ka çfarë i jep më PD, ia ka dhënë, pas 2013 s’ka pasur me çfarë të pasurojë opozitën dhe PD për ta çuar drejt fitores. Por për të mbajtur PD në formë sekti, është gjëja më e lehtë që mund të vësh. Opozita nuk është alternativë, nuk është fituese dhe Berisha ka rolin e tij në dështimin e partisë. Berisha ka një zakon që i ikën përgjegjësive dhe do të marrë vetëm merita, por problemi është se s’kanë ngel më merita për të marrë”, u shpreh Kulluri.

Partia ‘Djathtas 1912’ u prezantua një ditë më parë nga deputeti Enkelejd Alibeaj, bashkë me mbështetës të tjerë si Arbri Agalliu, Flutura Açka, Edvin Kulluri. Larg euroatlantikëve të Bashës dhe të ndarë prej kohësh me Sali Berishën, deri në zgjedhjet e 2025-ës, kjo parti e re nuk do të ketë një kryetar, por do të drejtohet nga strukturë kolegjiale.

Rendit zhvillimet sipas orarit:

Të Fundit Të Parat

SI.E./Shqiptarja.com

TAG:
• Djathtas 1912
• edvin kulluri
• sali berisha
• enkelejd alibeaj