Ndotja në Rrethin e Krujës vijon të jetë një problem shqetësues për banorët. Jo vetëm guroret dhe furrat e gëlqeres që janë ndotës kostantë, por edhe djegia e mbetjeve urbane prej më shumë se 6 muajsh, vazhdon natë-ditë duke hedhur në atmosferë tymëra, blozë dhe gazra helmues që përfundojnë në organizmat e gjalla.
Kohët e fundit, vihet re një shtim i numrit të personave të prekur nga sëmundjet në këtë zonë, ndërsa banorët shprehen se sëmundjet kancerogjene si pasojë e ndotjes u kanë marrë jetën disa personave.
Plehrat që digjen në fshatin Halil, nuk grumbullohen vetëm nga nga Fushë Kruja dhe Kruja, pasi kohët e fundit shumë kamion me mbetje të Kamzës hidhen në këtë pikë grumbullimi.
![](https://shqiptarja.com/template/img/NO_ALFA_Kuadrate shqiptarja.png)
Edhe pse situata paraqitet tepër alarmante, pasi mbetjet vazhdojnë të digjen gjatë gjithë kohës askush nga organet kompetente nuk merr masa, si për shuarjen e flakëve, ashtu edhe për përcaktimin e një vendgrumbullimi larg zonave të banuara.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)