Ish-zëvendëskryeministri serb për Integrimin Evropian, Bozidar Djelic, ka thënë se para Serbisë është “rrugë me xhemba” drejtë Bashkimit Evropian. Sipas tij, para verës duhet të zgjidhen çështjet e pazgjidhura me Prishtinën, në mënyrë që Komisioni Evropian të rekomandoj fillimin e negociatave për anëtarësim.

"Para fluturimit ne duhet të përpiqemi t’i zgjidhin dy çështjet e pazgjidhura me Prishtinën: telekomunikacionit dhe energjinë, sepse kështu rrumbullakohet gjithë ajo që Komisioni Europian e ka thënë qysh në tetor", ka thënë Djelic për gazetën beogradase “Vecernji Novosti”.

Ai shtoi se përvoja e dhjetorit dëshmon se disa shtete mund të shtojnë kushte të reja në lidhje me Kosovën. `Sa më parë të deklarohen, me të zezën në të bardh, aq më mirë për ne”, ka thënë Djelic.