Djemtë kuqezi fitojnë ndaj Hungarisë në volejboll, femrat mposhten

Shqipëria ka fituar 3-1 ndaj Hungarisë në ndeshjen e dytë të European League në volejboll për meshkuj, duke korur suksesin e parë në këtë edicion.

Një fitore e merituar e volejbollistëve kuqezinj, që të drejtuar nga trajneri Jani Melka, bënë një paraqitje fantastike në Budapest, ku dhe luajtën ndaj kombëtares vendase.

Edhe pse Shqipëria humbi setin e pare, arriti të rikuperojë në setet në vijim, duke mos u dorëzuar dhe treguar grintë e dëshirë për fitore dhe fituar në fund 1-3.

Një fitore e rëndësishme jashtë fushe, që mban kuqezinjtë në lojë për një vend në fazën finale, duke treguar një nivel në rritje, një lojë të mirë kolektive, e saktë në sulm, bllok e shërbime, por edhe duke pritur mirë topin e parë.

Hungari – Shqipëri 1-3 (25-22, 21-25, 21-25, 23-25)

HUNGARIA: Szabo, Nagy, Papai, Magyar, Banai, Keen, Kaszap, David, Padar, Blazsovics, Deak, Kalmar, Gebhardt, Krupanszki. Trajner: Bogdan Tanase

SHQIPËRIA: Kola, Gjoklaj, Koçi, Arapi, Husaj, Malaj, Qepa, Kula, A.Qafarena, Çullhaj, Baruti, Gaxiri, Bërdufi, Deliu. Trajner: Jani Melka

Gjyqtarë: Predrag Balandzic (Serbi), Gyula Tillmann (Hungari)

Ndërsa ka zhgënjyer kombëtarja e femrave. Fitorja e tri ditëve më parë në Gjeorgji dhe loja e mirë e zhvilluar në Tbilisi, ku kombëtarja e femrave në volejboll mundi 3-0 kombëtaren vendase, janë vite dritë larg nga paraqitja e sotme.

 Vajzave kuqezi u mundën 0-3 në “Feti Borova” nga Austria. Kjo ishte ndeshja e dytë në Grupin B për kombëtaren e femrave, e vlefshme për edicionin 2018 të Ligës së Europës.

Një Shqipëri e përgjumur, me shumë gabime në sulm, pritjen e topit të parë, bllok e organizim. Një kombëtare e çoroditur, që zhgënjeu në fushë si veten e saj ashtu dhe fansat e shumtë që kishin ardhur për ta mbështetur.

Shqipëri – Austri 0-3 (18-25, 17-25, 21-25)

SHQIPËRIA: Bici, E.Tuci, Xheka, Marina, Prenga, Thaka, Picaku, Sejfullai, Rexhepi, Kushi, Sijoni, M.Tuci, Shehi, Dodani. Trajner: Altin Martiri

AUSTRIA: Duvnjak, Teufl, Bajde, Ëallner, Holzer, Epure, Chrtianska, Deisl, Peischl, Maros, markovic, Schmit, Nesimovic. Trajnere: Svetlana Ilic

Gjyqtarë: Arzu Emiroglu (Turqi), Endri Zguri (Shqipëri)

 

TAG:
• volejboll
• Hungari – Shqipëri
• European League
• Jani Melka