POP 5

Lajmet më të lexuara të 5 minutave të fundit

Kronikë

Do ekzekutonte të ‘fortin’ e Vlorës dhe shokun e tij për hakmarrje, SPAK çon për gjykim Amarildo Nikollin! Si i dështoi atentati, u kap me pistoletë gati për qitje

SPAK çon për gjykim dosjen e Amarildo Nikollit, i cili akuzohet se kishte planifikuar vrasjen ndaj Ervis Matodashaj dhe Inez Hajrullës në qytetin e Vlorës. Porositësi ishte Leonard Luzi, Nikolli ekzekutori dhe dy ndihmësit Muharem Koroveshi dhe Erio Zejno. Atentati dështoi pasi Nikolli u arrestua me pistoletë gati për qitje.

TIRANË- SPAK dërgon për gjykim dosjen ndaj Amarildo Nikolli Xhanej, i cili akuzohet se bashkë me 3 të tjerë po planifikonin vrasjen e Ervis Matodashaj dhe të fortit të Vlorës Inez Hajrulla. Hetimet e SPAK por edhe dëshmia e Amarildo Nikollit zbuloi se krimi do të kryhej për hakmarrje dhe për marrjen në kontroll të lojërave të fatit.

Porositësi i atentatit sipas SPAK është Leonard Luzi, i cili u ekstradua nga Spanja më 9 nëntor. Luzi ka krijuar një grup të strukturuar kriminal, ku Amarildo  Nikolli do të ishte ekzekutori, si dhe të pandehurit Muharem Koroveshi dhe Erio Zejno, në rolin e ndihmësit.

Koroveshi, dhe Erio Zejno, kanë dërguar armët në banesën e Amarildo Nikolli në Vlorë, e kanë ndihmuar në terren për lokalizimin e Ervis Matodashajt dhe Inez Hajrullës, si dhe do të ndihmonin ekzekutorin, në largimin nga vendi i ngjarjes, nëse vrasja do të kryhej.

Por atentati ndaj Ervis Matodashaj dhe Inez Hajrullës, nuk u realizua, pasi në datën 07.08.2023, në orën 12:47, në lagjen “Uji Ftohtë”, në qytetin e Vlorës, gjatë kontrollit fizik kryer ndaj Amarildo Nikolli, i janë gjetur dhe sekuestruar në cilësinë e provës materiale: një pistoletë e markës Pietro Beretta, me një silenciator, me karikator të mbushur me 14 fishekë, si dhe një fishek i futur në folenë e qitjes.

Ka rezultuar se ditën e arrestimit të tij,  Amarildo Nikolli, kishte dalë pikërisht për të finalizuar krimin e porositur prej të Leonard Luzi. Pas arrestimit Amarildo Nikolli vendosi të bashkëpunojë me drejtësinë duke përfituar statusin e te penduarit.

Amarildo Nikolli nga Shkodra, së fundmi u bë personazh me historinë e dy motrave, që iu vendos tritol në Elbasan, ku për pasojë humbi jetën një i pafajshëm që ndodhej në banesën e tij. Një nga motrat Nikolli kishte lidhje me Xhanejn, ndërsa tjetra me Nuredin Dumani, për eksplozivin akuzuan këtë të fundit, me pretendimin se donte të hakmerrej me të burgosurin Xhanej.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    2 Dhjetor, 20:45

    Jeni dakord që prokurorët e SPAK të kenë mundësinë për një mandat tjetër?

Lajme të tjera



×

Lajmi i fundit

Konflikti civil në Siri dhe përparimi i ushtrisë ruse në Ukrainë, Krisafi dhe Arapi debatojnë në 'Studio Live'

Konflikti civil në Siri dhe përparimi i ushtrisë ruse në Ukrainë, Krisafi dhe Arapi debatojnë në 'Studio Live'

4 Dhjetor, 19:49