“Unë do jap dorëheqjen nëse në 30 qershor do të zhvillohen zgjedhje”. Kështu deklaroi para 30 Qershorit deputeti demokrat Lefter Maliqi. I ftuar sonte në emisionin 'Open' ai u pyet nga drejtuesja e emisionit Eni Vasili nëse do ta jepte dorëheqjen tani, pasi zgjedhjet u zhvilluan në datën e përcaktuar. I zënë ngushtë nga pyetja, Maliqi u shmang duke thënë se ai nuk e la mandatin ngaqë Meta nxori një dekret të ri për zgjedhjet.

Biseda
Eni Vasili: Zoti Maliqi, ju deklaruat se nëse në 30 qershor bëhen zgjedhje do jepnit dorëheqjen?
Lefter Maliqi: E prisja këtë pyetje. Nuk ka asgjë për të qeshur.
Eni Vasili: Për ju, po
Lefter Maliqi: Unë kam thënë që në 30 qershor nëse presidenti nuk do nxirrte dekretin për shtyrjen e zgjedhjeve nuk do kishte fuqi Basha dhe askush të ndalonte konfliktin civil.
Eni Vasili: Përgjigjuni pyetjes që ju bëra.
Lefter Maliqi: Po patjetër, e para konfliktin e shmangu presidenti dhe e dyta nuk ja plotësoj këtë dëshirë kryeministrit më arrogant.
Eni Vasili: Po ju nuk ju tha Rama, e thatë vete.
Lefter Maliqi: Do ta bëj këtë vetëm kur të bëhen zgjedhjet dhe të fitoj Beratin 4 me 3. Unë do ta kisha dhënë dorëheqjen nëse presidenti nuk do kishte nxjerr dekretin.