POP 5

Lajmet më të lexuara të 5 minutave të fundit

Sport

Do largohet apo jo? Reja: S'ka ndryshuar asgjë nga hera e fundit! Kundër Katarit më e vështirë se me Arabinë Saudite

Në prag të ndeshjes miqësore kundër Katarit trajneri Edy Reja ka përsëritur dëshirën për të vazhduar në drejtimin e kombëtares. Ai thotë se ndeshja e 9 nëntorit do jetë më e vështirë se kundër Arabisë Saudite, ndërsa shtoi se për futbollistët e Superligës kjo është një mundësi mirë për të marrë eksperiencë.

Trajneri Edy Reja ka përsëritur dëshirën për të vijuar në krye të kombëtares edhe pas këtij muaji kur zyrtarisht i përfundon kontrata. I pyetur për të ardhmen në konferencën për shtyp para ndeshjes miqësore kundër Katarit, 77-vjeçari la të kuptohet se qëllimi është të kualifikohet në Europianin e ‘Euro 2024’

“Nuk ka ndryshuar asgjë në krahasim me herën e fundin. Nuk ka asnjë të re,”-u shpreh Edy Reja, trajner i Kombëtares.

Më pas trajneri u ndal te kundërshtari i 9 nëntorit që është vendi organizator i Botërorit, Katari.

“Katari është një kundërshtar akoma më i fortë se Arabia Saudite. Një kombëtare që ka marrë lojtarë nga jashtë. Për Shqipërinë është një test shumë i rëndësishëm. Për t’i dhënë një mundësi lojtarëve që të tregojnë se e meritojnë në të ardhmen një ftesë nga Kombëtarja,”-tha Edy Reja, trajner i Kombëtares.

Për këtë miqësore që luhet në Spanjë Edy Reja ka thirrur 21 futbollistë nga 23 që janë gjithsej nga Superliga shqiptare, duke qenë se ndeshja nuk është në kalendarin e FIFA-s dhe UEFA-s.

“Futbollistët e grumbulluar kanë ardhur në formë shumë të mirë fizike, por problem i futbollit shqiptar është taktika. Duhet të punohet më shumë në bazë. Këto miqësore për lojtarët e Superligës është një mundësi e mirë për të marrë eksperiencë,”-deklaroi Edy Reja, trajner i Kombëtares.

Katar-Shqipëri do luhet në 9 nëntor në Marbella të Spanjës, duke nisur nga ora 18:30. Ashtu si në miqësoren kundër Arabisë Saudite edhe këtë herë ndeshja do jetë në ‘terr’, pasi nuk do transmetohet direkt dhe kamerat s’do lejohen në stadium.

Ne.k./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tentoi të vriste 47 vjeçarin në Fier, arrestohet pas 3 vitesh

Tentoi të vriste 47 vjeçarin në Fier, arrestohet pas 3 vitesh

24 Nëntor, 10:39