POP 5

Lajmet më të lexuara të 5 minutave të fundit

Sport

Lajme nga emisionet

‘Do shkoj në SHBA për 12 sekonda’, 54-vjeçari flet për garën e shumëpritur: Po investove në sport, s’do ketë spitale

Për Rudin Bektashin, aktiviteti fizik nuk është vetëm një mënyrë për të qëndruar i shëndetshëm. 54-vjeçari po përgatitet për të pamundurën, një garë madhështore kundër vrapuesve më të mirë të botës në SHBA.

Për Rudin Bektashin, aktiviteti fizik nuk është vetëm një mënyrë për të qëndruar i shëndetshëm. 54-vjeçari po përgatitet për të pamundurën, një garë madhështore kundër vrapuesve më të mirë të botës në SHBA.

Ndonëse eventi i shumëpritur është në mars, stërvitja ka nisur më herët. Çdo ditë del tek Liqeni Artificial i Tiranës ku përveç vrapit me atletë të tjerë veteranë, nuk mungojnë ushtrimet për të përmirësuar performancën në garë.

“Unë kam mbaruar shkollën e lartë në degën Matematikë. Më tej kam mbaruar shkollën për IT. Jam përfshirë në mësuesi, por kam ndërthurur sportin me zanatin e teknologjisë dhe informacionit.

Në organizimin e shoqatës së atletëve veteran jam futur që në vitin 2019 ku isha sekretar i përgjithshëm, pastaj u zgjodha president. Kam marrë 2 herë titullin kampion Ballkani në garën 100 metra me pengesa dhe 400 metra me pengesa.

Tani jam duke u stërvitur për Kampionatin Botëror të Atletikës për atletët master që do bëhet në SHBA në mars. Gara është 60 metra me pengesa, duket sakrificë e madhe pasi rekordi është 12 sekonda”, tregon Rudini për emisionin “Një nga ne”.

Përkushtimi ndaj sportit ka bërë që ekipi të fitojë medalje dhe kupa në gara brenda dhe jashtë vendit. Ndër të tjera atleti thekson rëndësinë e aktivitetit fizik.

“Të numërosh medaljet që kemi marrë është pothuajse e pamundur sepse në çdo kampionat, të paktën Ballkanik, janë mbi 30 medalje ari, argjendi dhe bronzi.

Po të merresh me sport, i ke dhënë shëndetit një forcë të madhe dhe nuk do ketë më spitale. Duke investuar në sport, zëre se ke investuar në spitale”, shprehet Rudini.

Emisioni “Një nga ne” mund ta ndiqni çdo të mërkurë ora 20:00, në ekranin e Report Tv.

SI.E./A.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Banorët kundër ndërtimit të resortit të botuesit Ulaj në Velipojë, zhvendosin protestën para SPAK: Po na grabisin tokat (Berisha hesht)

Banorët kundër ndërtimit të resortit të botuesit Ulaj në Velipojë, zhvendosin protestën para SPAK: Po na grabisin tokat (Berisha hesht)

28 Mars, 10:14