Sot është 7 Marsi, Ditë Kombëtare e mësuesit në Shqipëri, e cila festohet në të gjitha shkollat dhe universitetet e vendit. Zanafilla e kësaj dite përkon me hapjen e mësonjëtores së parë shqipe, në 7 mars të vitit 1887 në Korçë, kohë kur shqiptarët mësonin shqip fshehurazi në shtëpitë e tyre, për shkak të sundimit Osman. Edhe pse mësimi i gjuhës shqipe ishte rreptësisht i ndaluar, mësonjëtorja e Korçës qëndroi e hapur për gati 20 vjet. Festimi i kësaj feste vijoi gjatë periudhës komuniste duke u përdorur shpesh edhe si një manifestim i propagandës zyrtare. Ajo ishte dita më e shënuar për mësuesin. Ata më të dalluarit shpërbleheshin me dekoratat e larta si "Mësues i Merituar" dhe "Mësues i Popullit".
Por a e dini se mësuesit dhe nxënësit e shkollat të arsimit të mesëm në kohën e regjimit komunist janë vënë nën survejim e Sigurimit të Shtetit.
Ana tjetër e medaljes na tregon disa dokumente të gjetura në arkivin e Autoritetit (Dosja nr. 34/5), të cilat bëjnë fjalë mbi procesverbale të asgjësimit të dosjeve të vitit 1985, për qytetin e Përmetin, ku gjimnazet e zonës janë mbajtur në survejim për një dekadë.
Autoriteti për Informim mbi Dokumentet e ish-Sigurimit të Shtetit, shkruan se survejimi i fëmijëve të shkollave të mesme, të moshës 14-18 vjeç, ishte futur në programin e organeve të Sigurimit të Shtetit nën protokollin "Për ruajtjen e pastërtisë të inteligjencës së rinisë në këto shkolla".
Të shpallura si “Objekte të Rëndësisë së veçantë”, shkolla “Sami Frashëri” dhe shkolla e mesme e Këlcyrës, nisur nga procesverbalet e mbajtura dhe fletët e inventarit tregojnë se për to ka pasur listë emërore të nxënësve të survejuar (lista e kontigjenteve) si dhe një listë me të gjithë nxënësit e riregjistruar në këto shkolla.
Dosja e “Objektit të Rëndësisë së Veçantë me nr.20”, për shkollën e mesme “Sami Frashëri”, Përmet u hap vendim të datës 5.1. 1974, nga Organet e Sigurimit të Rrethit. Po kështu edhe dosja e “Objektit të Rëndësisë së Veçantë me nr.39”, shkolla e mesme Këlcyrë u hap në në datën 9.4.1974 . Ato u administruan në kuadër të dosjes me Objekt të Rëndësisë së Veçantë hapur për Komitetin Ekzekutiv të Rrethit të Përmetit.
Dosjet u asgjësuan nga Komisioni i Studimit dhe Vlerësimit të Materialeve Dokumentare, pranë Degës së Punëve të Brendshme "Ana e Sigurimit” me datën 10.10.1982. Ky asgjësim u bë me urdhër të Ministrit të Punëve të Brendshme me nr.01-20, Datë 19.8.1982 "Mbi heqjen nga struktura e O.S.SH të funksionit organik për ruajtjen e pastërtisë të inteligjencës dhe rinisë “. Dosjet u asgjësuan me zjarr në prezencë të anëtarëve të komisionit.
Pas vitit 1948 shkolla shqiptare u orientua nga shkolla ruse. Në vitin 1967 u kërkua “Revolucionarizimi i mëtejshëm i shkollës” nën ndikimin e revolucionit kulturor kinez. Zbatimi nisi në vitin 1970 dhe vijoi deri me rënien e regjimit. Shkolla u ideologjizua në mënyrë të tejskajshme më aplikimin e lëndëve të drejtpërdrejta politike, si Historia e Partisë apo Filozofia Marksiste-Leniniste. Letërsia dhe historia ishin lëndët ku trajtimi ideologjik la gjurmët e veta. Ideoligjizimi i tejskajshëm i arsimit synonte krijimin e të ashtëquajturit “Njeriu i ri”, rezultat i parimit të trekëndëshit revolucionar : mësim, punë prodhuese dhe edukim fizik e ushtarak./Marrë nga Autoriteti për Informim mbi Dokumentet e ish-Sigurimit të Shtetit
Komente
Lajme të tjera
-
Viti 1989/ Thirrjet vijnë nga godina e 7 e Qytetit Studenti: Viva Parashqevi, Viva!
22 Dhjetor, 15:31 -
Sigurimi i Shtetit, si i përgjonte dhe ruante shkencëtarët shqiptarë? Esencë-Report Tv
13 Dhjetor, 22:37
-
Zbulohet dokumenti sekret i Sigurimit, Tetor ‘82 mbi Kanalin e Suezit: Komandanti ka urdhëruar përgjimin e Ambasadës së Egjiptit!
10 Dhjetor, 18:35
-
Agron Gjekmarkaj: Sami Repishti iku, la pas një monument
27 Nëntor, 20:40
-
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03 -
'Dosja K'/ Zhivko Petroviç, 17-vjeçari i arratisur në Kosovë, si ra në kurthin e Sigurimit
15 Tetor, 21:06
-
Si më spiunonte komshiu, Sigurimi i Shtetit i kishte bërë prangat gati! Murat Basha rrëfen në 'Esencë'
13 Tetor, 21:56
-
Hasan Bello: Pse Sigurimi i Shtetit ka qenë 'filial' i KGB-së
12 Maj, 15:03
-
Ish-spiunët jashtë politikës! Nisi me bujë pas rastit ‘I.M’, vetëm 4 deputetë kërkuan t'u hapet dosja!
9 Prill, 15:17
-
E përgjuar deri në vdekje, Baçi, Orhani e Bulku rrëfejnë dosjen dramatike e ditarin e Drita Çomos: Bashkëpunëtorë të ish-Sigurimit dhe shokët 16-vjeçarë të klasës!
6 Prill, 12:00
-
Mësuese Sabihate kontribuese e madhe e arsimit në Sllovë!
7 Mars, 18:19
-
7 Marsi, nxënësit e shkollës 'Servete Maçi' mbjellin pemë për mësuesit, Veliaj: Shembulli se na duhen qytetarë të mirë, që vendi të ecë përpara
7 Mars, 17:18
po edhe tani vazhdon pas bythes se cdo intelektuali i qendron 1 spiun (spiune me lopate si ne shqiperi)
PërgjigjuNjesoj si sistemi ramist i patronazhimit aktivist...
Përgjigju