Dokumenti/ Opozita kërkon sot tek 'Sterilizimi' thirrjen për dëshmi të kryeministrit Rama dhe sipërmarrëses Vilma Nushi

TIRANË - Anëtarët e opozitës në Komisionin Hetimor për Sterilizimin kanë paraqitur dokumentin ku kërkojnë këtë të mërkurë të dëshmojë Edi Rama në cilësinë e Kryeministrit i cili ka firmosur VKM-në për dhënien me konçension të këtyre shërbimeve.

Në dokumentin e publikuar kërkohet  thirrja si dëshmitare po këtë të mërkurë edhe e zonjës Vilma Nushi në cilësinë e pronares së dy kompanive e cila është pjesë e një prej koncesioneve objekt i veprimtarisë hetimore të këtij Komisioni. Deputetët e opozitës kërkojnë paraqitjen e Vilma Nushi, pasi sipas tyre është përfituese indirekte dhe direkte 1.5 mln Eurove nga dividenti.

Refuzimi i përsëritur nga ana e anëtarëve të mazhorancës në këtë Komision, për të thirrur si dëshmitarë z. Edi Rama dhe zonjën Vilma Nushi, për anëtarët e opozitës, është tërësisht në kundërshtim me Vendimin e Gjykatës Kushtetuese sa i takon Ligjit për Komisionet Hetimore dhe ligjet në fuqi.

LEXO EDHE:
Deklaratat e Bardhit: Nëse Berisha është kryetar i PD dhe kandidat për kryeministër në 2025, unë largohem nga politika (VIDEO)

"Komisioni është i detyruar që të thërrasë për të dëshmuar para tij, jo vetëm z. Edi Rama por të gjithë personat për të cilët anëtarët e opozitës, si inicues të këtij Komisioni, kanë kërkuar që të paraqiten e të dëshmojnë", thuhet në dokumentet e publikuara.

Për këtë dokument kanë firmosur vetëm deputetët e opozitës pjesë e këtij komisioni hetimor, pasi mazhoranca në mënyrë të përsëritur ka qenë kundër thirrjes së Ramës dhe sipërmarrëses Vilma Nushi.

TAG:
• sterilizimi
• PD
• vilma nushi
• edi rama
• Albana Vokshi

Sondazhi i ditës:

Çfarë prisni në vitin 2025?

• Punë

  10.8%

• Shëndet

  67.4%

• Mirëqënia

  21.8%

Vota total: 1916

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia