Dosja italiane për Rezart Taçin, për pastrim parash, do të hetohet edhe në Malin e Zi, për shkak se emri i presidentit të vendit Milo Gjukanoviç doli në përgjime me biznesmenin shqiptar. Mësohet se prokuroria atje ka nisur hetimet dhe do të marrë në pyetje presidentin Gjukanoviç, ndërkohë që vet ky i fundit i ka mohuar akuzat, por ka shprehur gadishmërinë për t’iu përgjigjur ftesës së drejtësisë.
Përgjimet e publikuara në mediat nxirrnin se Rezart Taçi kishte përfshirë Gjukanoviçin në transferimin e parave në Prva Bank. Banka është në pronësi të Aco Gjukanoviç, vëllai i presidentit. Taçi garantonte se do të fliste me mikun e tij president, dhe do ta zgjidhte situatën në Malin e zi, përmes transferimit të parave në Prva Bank. Gjukanoviç i mohoi pretendimet gjatë një konference shtypi në Cetinje.
“Është një aferë tërësisht e fabrikuar. Unë nuk e di kush janë njerëzit, as kam pasur kontakt me ta në asnjë mënyrë…ky është një falsifikim i plotë, por këto falsifikime janë bërë një lloj praktike në jetën politike në Mal të Zi”.- tha Gjukanoviç.
Banka Prva gjithashtu mohoi pretendimet dhe tha se mediat thjesht po përpiqen të dëmtojnë bankën dhe aksionerët e saj. Prokuroria malazeze konfirmoi se kishte hapur një hetim për rastin. Ndërkohë, Gjukanoviç, i cili është gjithashtu lider i opozitës, ka thënë se ai mbështet "çdo iniciativë" për të hequr qeverinë aktuale.
"Unë nuk kam asnjë problem me këtë sepse e di se si kam punuar dhe duhen vetëm disa ditë që ato skandale të shemben si një kullë letrash" tha Gjukanoviç. Ai theksoi se sot askush nuk i përmend më letrat e Pandorës dhe as nuk do të përmendet te kjo aferë. Një gjykatë në Palermo po heton nëse Rezart Taçi dhe disa shtetas italianë pasi kanë pastruar më shumë se 22 milionë euro.
Dosja e prokurorisë mbi planin e pastrimit përmes Shqipërisë të 18.399.996 eurove, të cilat dyshohet se i përkasin Cosa Nostras, Report TV e ka siguruar dhe ka publikuar detaje shumë të forta. Protagonist i kësaj dosjeje është Rezart Taçi, i akuzuar nga SPAK për “pastrim parash” dhe sot i shpallur në kërkim. Ish-biznesmeni shqiptar i naftës, sipas dosjes, jo vetëm vuri në dispozicion njohjet e tij në Mal të Zi dhe në Shqipëri për të lejuar transferimin e shumës nga parajsat fiskale deri në Singapor, por u bë personalisht garant me pasurinë e tij, nëse ato mbi 18 milionë euro do të humbnin.
Prapaskenat e bujshme zbulohen në faqet e dosjes, ku prokuroria e Palermos tregon që Rezart Taçi ka folur direkt në telefon me pronarin e shumës së madhe, Francesco Zummo, 90 vjeç, të cilit gjykatat italiane i kanë konfiskuar një pasuri prej më shumë se 150 milionë euro të konsideruara të prejardhura nga Cosa Nostra. Francesco Zummo, edhe ky i arrestuar tashmë, ka qenë një nga ndërtuesit më të mëdhenj të Palermos dhe krahu i djathtë i Vito Cianciminos, ish-kryebashkiak i kryeqendrës siçiliane, i konsideruar si arkëtari i Mafias.
Më 5 gusht 2021 SPAK informoi prokurorinë e Palermos nga ku u arrit më pas në arrestimet e pak ditëve më parë: ajo e Palermos bëri arrestimin e tre italianëve, ndërsa SPAK atë të dy shqiptarëve. I vetmi që nuk ka përfunduar ende në burg është pikërisht Rezart Taçi, i shpallur në kërkim e që prej vitesh nuk jeton më në Shqipëri.
Lajme të tjera
-
Ballkani hyn më shpejt në BE?/ Von der Leyen: Përfiton prej tensioneve gjeopolitike
31 Tetor, 17:15 -
SHBA sanksionon firmat serbe dhe malazeze për shkak të mbështetjes të luftës së Rusisë
31 Tetor, 15:50 -
Akuzohet se pastroi 18.3 mln euro të Cosa Notras, vijon gjyqi për Rezart Taçin! Dëshmon drejtori i bankës: Ja si i pikasëm italianët
31 Tetor, 13:17
-
Progres-raporti i BE, Ulsi Manja me homologun malazez: Nisim takime në nivel teknik për kapitullin 23
30 Tetor, 09:39 -
Tronditet Mali i Zi/ Vëlla e motër gjenden të vrarë, autori i armatosur ende në arrati! Policia thirrje banorëve të mbyllen në shtëpi
26 Tetor, 09:32 -
Censi në Malin e Zi/ Shqiptarët deklarohen më pak se 5%, janë 30 mijë shtetas me origjinë shqiptare! Shtohen serbët! 2 % janë rusë
15 Tetor, 15:48
-
Akuzohet se pastroi 18.3 mln euro të 'Cosa Notra', 4 dëshmitarë rrëfejnë në GJKKO njohjet me Rezart Taçin! Çfarë thanë për Petruzella dhe Zummo
14 Tetor, 15:26 -
Abetarja e unifikuar për shqiptarët e Malit të Zi, presidenti Begaj: Gjuha është rrënja e kombit! Të jemi bashkë pavarësisht ideologjive politike
8 Tetor, 09:29 -
Kapen rreth 95 kilogramë marijuanë në Tuz të Malit të Zi, erdhi nga Shqipëria, arrestohet shqiptari
30 Shtator, 17:01 -
Gjukanoviçi merr shumicën e votave në Podgoricë, mbetet i paqartë formimi i pushtetit vendor në kryeqytetin e Malit të Zi
30 Shtator, 13:22 -
Intervista e vitit 1995 – Petrit Ame, bosi i nëntokës, lidhja me Arkanin e Gazideden
6 Shtator, 18:44 -
Augustin Palokaj: Mali i Zi mes BE-së dhe botës serbe
5 Gusht, 17:51
