Domate sufle nga zonja Albana

Domate sufle

Përbërësit:

  • 6 domate të rrumbullakëta
  • 25 gr gjalpë
  • 25 gr miell
  • 2 lgj pana
  • 2 lgj djathë kaçkavall i grirë
  • ½ lk sinap pluhur
  • 5 të bardha vezësh
  • 4 të verdha vezësh
  • Kripë, piper
  • Arrë moskat

Përgatitja:

Fillimisht ngrohim furrën në 220°C. Me një lugë të vogël gërryejmë domatet (mbledhim në një tigan tulin dhe farat) dhe i vendosim përmbys të thahen mbi një letër kuzhine. Gatuajmë tulin dhe farat në zjarr të ulët për 3 minuta, më pas hedhim salcën me një kullesë në një tas dhe e lëmë mënjanë. Shkrijmë në zjarr të ulët gjalpin, shtojmë miellin dhe e gatuajmë për 1 minutë duke e përzier vazhdimisht. Heqim tiganin nga zjarri dhe shtojmë pak nga pak salcën e përgatitur dhe panën. Vendosim sërish tiganin në zjarr dhe gatuajmë salcën për 2 minuta duke e përzier derisa të fitojë dendësinë e duhur. E heqim nga zjarri, shtojmë djathin kaçkavall, sinapin, arrën moskat dhe rregullojmë shijen me kripë e piper. E lëmë të ftohet për 10 minuta. Ndërkohë rrahim të bardhat e vezëve në marengë. Hedhim të verdhat një nga një në salcë duke i rrahur, më pas shtojmë pak nga pak marengën. Mbushim domatet me këtë masë, i vendosim në një tavë të mbuluar me letër. Ulim temperaturën e furrës në 200°C dhe pjekim domatet sufle për 15-20 minuta.

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kuvendi kërkon që Greqia të heqë ligjin e luftës, si e vlerësoni?



×

Lajmi i fundit

Lezhë/ Aksidenti i frikshëm në superstradë, përplasen 2 makina! Njëra përfundon në parkingun e lokalit e dëmton 8 të tjera

Lezhë/ Aksidenti i frikshëm në superstradë, përplasen 2 makina! Njëra përfundon në parkingun e lokalit e dëmton 8 të tjera