Presidenti Donald Trump ka refuzuar të pranojë humbjen e zgjedhjeve dhe pretendon për manipulime në numërimin e votave, dhe administrata e tij nuk po tregohet bashkëpunuese për të ndihmua presidentin e zgjedhur Joe Biden.
Prokurori i Përgjithshëm i SHBA, William Barr gjatë një konference u shpreh se ai autorizuar prokurorët federalë për të ndjekur hetimet për "akuzat kryesore dhe parregullsitë e votave", ndërsa i nxiti ata të mos bazoheshin në pretendime "imagjinare”, por në fakte reale. Sipas prokurorit nësa ka pretendime të qarta dhe të dukshme për parregullsi, rezultati i zgjedhjeve në disa shtete mund të ndikohet.
Pas kësaj kërkese një zyrtar i lartë në departamentin e tij dha dorëheqjen. Presidenti Donald Trump refuzon të pranojë humbjen, duke pretenduar se ka pasur manipulime në vota e madje në disa shtete si Uiskonsin, Michigan dhe Georgia ka kërkuar rinumërimin e votave.
Ndërkohë ekipi i tij po kërkon një urdhër emergjence në Pensilvani për të parandaluar që në këtë shtet të certifikohet fitorja e Presidentit të zgjedhur Joe Biden.
Trump shpreson që paditë ligjore do ta ndihmojnë atë të përmbysë rezultatin e votave të fituara nga Biden në Kolegjin Elektoral, që përcakton fituesin e zgjedhjeve presidenciale, dhe jo të votës popullore, megjithëse Biden udhëheq edhe me votën popullore.
Udhëheqësi i shumicës së senatit Mitch McConnell tha të hënën se Presidenti Trump, “ka 100% të drejtë të shqyrtojë akuzat për parregullsi dhe të peshojë alternativat ligjore”. “Institucionet tona janë ndërtuar pikërisht për këtë”.
Ndërkohë që presidenti demokrat ka bërë publik planin e tij të tranzicionit së bashku me zëvëndësen e tij Kamala Harris.
Vëzhguesit ndërkombëtarë nga Organizata e Shteteve Amerikane, në një raport paraprak deklaruan se ata nuk kanë vënë re asnjë shenjë mashtrimi ose parregullsish votimi në zgjedhjet presidenciale të SHBA.
Në grupin e ekspertëve ishin përfshirë 28 ekspertë dhe vëzhgues nga 13 vende që studiuan procesin zgjedhor në Georgia, Iowa, Maryland, Michigan. OAS tha se dita e zgjedhjeve ishte paqësore, megjithëse kishte përpjekje për të frikësuar punonjësit e disa qendrave të numërimit.
Raporti mbështet "të drejtën e të gjitha palëve garuese në zgjedhje, për të kërkuar hetime të mëtejshme nëse ata besojnë se u është bërë padrejtësi". Por ka bërë thirrje që të tregohen të kujdesshëm dhe të mos bëjnë më spekulime.
Një raport i hollësishëm i cili do të zgjerojë gjetjet fillestare të OAS do të paraqitet në Uashington DC. Raporti përfundoi duke thënë se "zgjedhjet e vitit 2020 kanë qenë historike në shumë mënyra, me një atmosferë tejet konkurruese, rrethana aspak të zakonshme për shkak të pandemisë.
Komente
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13
nuk ka mundesi ne na informoj sakt FREDERIK NDOCI:
Përgjigju