Dorëheqja e Alibeajt/ Edit Harxhi thirrje Tabakut dhe Bardhit: Silleni vulën në seli, të fillojmë ringritjen e PD-së! Kokalari: Shitët mundin për të mbuluar pisllëqet e Berishës me Metën

Anëtarja e Komisionit të Rithemelimit, Edit Harxhi, ka pasur një kërkesë për Partinë Demokratike, tashmë pa një kryetar sepse Enkelejd Alibeaj u tërhoq.

Në një postim në Facebook, Harxhi  i bën thirrje  Jorida Tabakut, Gazment Bardhit etj, që të sjellin vulën në seli. Sipas saj, tani PD duhet të fillojë ringritjen.

“Tani që Enkeljdi dha “dorëheqjen”, i bëj një thirrje publike, Jorida Tabaku, Gazment Bardhi dhe disa deputetëve të tjerë, -silleni vulën në seli. Misioni mbaroi! Të paktën ta fillojmë ringritjen me vulën dhe logon e qindra mijëra demokratëve që sot janë të dëshpëruar!” , shkruan Edit Harxhi.

LEXO EDHE:
Vota e diasporës dhe problematikat e emigrantëve, Basha takim me bashkatdhetarët në Itali

Në përgjigje të saj reagoi Evi Kokalari, i cili tha se vula s’duhet t’i shkojë Berishës dhe mbështetësve të tij që thotë se i shitën zgjedhjet. Sipas Kokalarit, Rithemelimi shiti mundin për të mbuluar pisllëqet e Berishës me Metën.

"Jo zonjë. Misioni tashti fillon. Vula s'ka pse ju shkon juve tashti mbasi shitët të gjithë zgjedhjet dhe Keshillin Bashkiak Metës. Këtyre, me Gaz Bardhin në krye ju ra goja mbas 3 Mars të bashkoheshit e të hynit në zgjedhje me vulë e logo të PDsë, dhe ju refuzuat dhe hytë me LSI. Në fakt dorëheqjen duhet ta jepni ju, me ty në krye si pseudo-konservatore që shite gjithë atë mund, për të mbuluar pislliqet e Berishës me Metës. Vula të rri aty ku është. Ju vazhdoni me Metën, dhe mos pretendoni më kurrë që do nxirrni gjë në dritë. Ju të gjithë jeni bashkëfajtorë të fiaskos së 14 Majit, dhe shkatërrimit të demokracisë në atë vënd", shkroi Kokalari.

Rendit zhvillimet sipas orarit:

Të Fundit Të Parat

B.K./A.M./Shqiptarja.com

TAG:
• zgjedhjet vendore 2023
• PD
• Edith Harxhi